ఆదిపురుష్ చిత్రబృందానికి ఢిల్లీ కోర్టు నోటీసులు

ఆదిపురుష్ చిత్రబృందానికి ఢిల్లీ కోర్టు చురకలు వేసింది. ప్రభాస్‌తో సహా ప్రధాన పాత్రదారులకు, దర్శక నిర్మాతలకు నోటీసులు జారీ చేసింది. ప్రభాస్ హీరోగా బాలీవుడ్ డైరక్టర్ ఓం రౌత్ తెరకెక్కిస్తున్న చిత్రం ఆదిపురుష్. ఈ సినిమాలో ప్రధాన అంశం రామాయణం. ప్రభాస్ శ్రీరాముడి పాత్రలో నటిస్తున్న సంగతి అందరికీ తెలిసిందే. అయితే ఈ సినిమాకు సంబంధించి టీజర్ ఇటీవలే విడుదలైంది. అప్పటి నుండి అనేక మంది దీనిపై అభ్యంతరాలు వ్యక్తం చేస్తూ మండిపడ్డాయి. సూపర్ హిట్ సీరియల్ ‘శక్తిమాన్’ పాత్రధారి ముఖేష్ ఖన్నా కూడా ఈ టీజర్‌ను విమర్శించాడు. ఇది హిందువుల మనోభావాలను దెబ్బతీస్తోందంటూ ఒక సంస్థ దిల్లీ హైకోర్టుకెక్కింది. ఈ సినిమా విడుదలపై స్టే విధించాలని పిటిషన్ వేసింది. దానిపై విచారణ చేపట్టిన కోర్టు ఆదిపురుష్ చిత్రబృందానికి నోటీసులు జారీ చేసింది.

ఈ సినిమాలో శ్రీరాముడు, హనుమంతుడు, రావణుడు పాత్రలను చూపించిన విధానం సరిగ్గాలేదని, రామాయణాన్ని వక్రీకరిస్తున్నారని పలు సంఘాలు విమర్శిస్తున్నాయి. సోషల్ మీడియాలో కూడా ఈ మూవీ గురించే ట్రోల్స్ వస్తున్నాయి. ప్రభాస్‌కు కూడా కోర్టు నోటీసులు అందాయి. రామాయణం గురించి సరైన  అవగాహన లేకుండానే ఓంరౌత్ ఈ సినిమాను తెరకెక్కిస్తున్నారని పలువురు ఆగ్రహం వ్యక్తం చేస్తున్నారు.