భార్య దాడిలో భర్త మృతి
మహబూబ్నగర్ జిల్లా దేవరకద్ర మండలం బస్వాయిపల్లి గ్రామంలో దారుణ ఘటన చోటుచేసుకుంది. గాఢ నిద్రలో ఉన్న భర్తపై భార్య కత్తితో దాడి చేయడంతో ఆయన చికిత్స పొందుతూ మృతి చెందాడు. పోలీసులు తెలిపిన వివరాల ప్రకారం.. బస్వాయిపల్లికి చెందిన నాగేష్ (38), మల్కాపూర్కు చెందిన కవితకు 15 ఏళ్ల క్రితం వివాహమైంది. వీరికి ముగ్గురు కుమారులు ఉన్నారు.
ఆదివారం రాత్రి ఇంట్లో నిద్రిస్తున్న నాగేష్పై కవిత కత్తితో దాడి చేసినట్లు సమాచారం. ఆ సమయంలో అక్కడే ఉన్న చిన్న కుమారుడు రాము కేకలు వేయడంతో స్థానికులు అక్కడికి చేరుకున్నారు. తీవ్రంగా గాయపడిన నాగేష్ను తొలుత స్థానిక ఆసుపత్రికి, అనంతరం మెరుగైన చికిత్స కోసం హైదరాబాద్లోని ఉస్మానియా ఆసుపత్రికి తరలించారు. అయితే చికిత్స పొందుతూ ఆయన మృతిచెందాడు.
సమాచారం అందుకున్న దేవరకద్ర పోలీసులు ఘటనా స్థలానికి చేరుకుని నిందితురాలు కవితను అదుపులోకి తీసుకున్నారు. ప్రాథమిక విచారణలో ఈ ఘటనకు అక్రమ సంబంధం కారణమై ఉండొచ్చనే అనుమానాలను పోలీసులు పరిశీలిస్తున్నారు. కేసు నమోదు చేసి అన్ని కోణాల్లో దర్యాప్తు కొనసాగిస్తున్నట్లు తెలిపారు. ఈ ఘటన స్థానికంగా తీవ్ర కలకలం రేపింది.
