రాబిన్ హుడ్ కోసం హైద్రాబాద్ చేరుకున్న ప్ర‌ముఖ క్రికెట‌ర్‌

రాబిన్ హుడ్ సినిమాలో ఆస్ట్రేలియా మాజీ క్రికెటర్ డేవిడ్ వార్నర్ కూడా ఓ కీలక పాత్రలో కనిపించనున్నాడు. ఇప్పటికే అతని లుక్ కు సంబంధించి రిలీజైన పోస్టర్స్ అభిమానులను విపరీతంగా ఆకట్టుకున్నాయి. కాగా సినిమా ప్రమోషన్లలో భాగంగా ఆదివారం ప్రీ రిలీజ్ ఈవెంట్ నిర్వహిస్తోంది. ఇదే ఈవెంట్ లో మూవీ ట్రైలర్ ను కూడా రిలీజ్ చేయనున్నారు.ఈ నేపథ్యంలో ఈ ఈవెంట్ కోసం డేవిడ్ వార్నర్ హైదరాబాద్ చేరుకున్నాడు.రాజీవ్ గాంధీ ఎయిర్ పోర్టులో డేవిడ్ వార్నర్ కు ఘన స్వాగతం లభించింది. అభిమానుల‌తో క‌లిసి ద‌ర్శ‌కుడు వెంకీ కుడుముల వార్నర్ కు గ్రాండ్ వెల్‌కం చెప్పారు. ఇందుకు సంబంధించిన ఫొటోలు, వీడియోలను రాబిన్ హుడ్ నిర్మాణ సంస్థ మైత్రీ మూవీ మేక‌ర్స్ తమ సోషల్ మీడియా ఖాతాల్లో షేర్ చేసింది. ప్రస్తుతం ఇవి నెట్టింట తెగ వైరలవుతున్నాయి.