TWITTERలో 90 శాతం కామెంట్లు నకిలీ ఖాతాల నుండే
ఎలాన్ మస్క్ ఏం చెప్పినా అది సంచలనమే. ప్రపంచ కుబేరుడైన ఎలాన్ మస్క్ ఈమధ్యనే ట్విటర్ కొనుగోలుకు ప్రయత్నించి కొన్ని కారణాలు చెపుతూ ఆ డీల్ను రద్దు చేసుకున్నారు. ఓ యూజర్ మీకు వచ్చిన లైక్లలో అసలైన యూజర్లు, బాట్స్ నుండి వచ్చే వాటిలో ఏమేరకు ఉంటాయని ఆడిగిన ప్రశ్నకు జవాబు చెపుతూ ట్విటర్ యూజర్లలో 20 శాతం నకిలీవేనన్నారు. తాజాగా తన ట్వీట్కు వచ్చిన ఓ రిప్లై గురించి వివరిస్తూ క్రిప్టోకరెన్సీ ఎక్సేంజీ సంస్థ బైనాన్స్ సీఈఓ చాంగ్ పెంగ్ ఝావో పేరుతో వచ్చిన రిప్లై నకిలీదన్నారు. దాని ఫోటోను పోస్టు చేస్తూ తన పోస్టులకు వచ్చే కామెంట్లలో 90 శాతం బాట్ల నుండే వస్తున్నాయన్నారు.
ట్విటర్తో మస్క్ గతంలో 44 బిలియన్ డాలర్ల ఒప్పందాన్ని చేసుకున్నారు. విలీన ఒప్పందంలోని నిబంధనలు ఉల్లంఘించిందని, నకిలీ ఖాతాల గురించి సమాచారం లేదని ట్విటర్పై ఆరోపించారు. చివరకు ఈ ఒప్పందాన్ని రద్దు చేసుకున్నారు. రద్దు తర్వాత కూడా ట్విటర్పై విమర్శలు గుప్పిస్తూనే ఉన్నారు.
