ఈనెల 26 నుండి తిరుమల శ్రీవారి బ్రహ్మోత్సవాలు

September 3, 2022 sri harini

తిరుమల శ్రీవారు సాలకట్ల బ్రహ్మోత్సవాలకు సిద్ధం కాబోతున్నారు. కలియుగ వైకుంఠమైన తిరుమల వేంకటేశ్వర స్వామివారి బ్రహ్మోత్సవాలు ఈసారి వైభవంగా జరిపేందుకు TTD నిర్ణయించింది. గత రెండేళ్లుగా కరోనా కారణంగా అంతరాలయంలోనే నిర్వహిస్తున్న ఈ ఉత్సవాలను, ఈసారి కరోనా విస్తృతి బాగా తగ్గినందువల్ల ఈసారి భక్తుల సమక్షంలో నిర్వహించేందుకు సన్నాహాలు చేస్తోంది. ఈ మేరకు శుక్రవారం సాయంత్రం బ్రహ్మోత్సవాలకు సంబంధించిన పూర్తి వివరాలతో కూడిన షెడ్యూల్‌ను విడుదల చేసింది టిటిడి.

ఈ నెల 20 న ఉదయం 6 గంటలనుండి 11 గంటల వరకూ కోయిల్ అళ్వార్ తిరుమంజనం నిర్వహిస్తారు. ఈ ఉత్సవం బ్రహ్మోత్సవాలు ప్రారంభం కావడానికి ముందుగా చేయవలసి ఉంటుంది.

ఈ నెల 26న బ్రహ్మోత్సవాలకు అంకురార్పణ చేసి, 27 వ తేదీనుండి అక్టోబర్ 5వ తేదీ వరకూ స్వామివారు వివిధ రూపాలలో, వివిధ వాహనాలలో మాడ వీధుల్లో భక్తులకు దర్శనం ఇవ్వనున్నారు.