మరోసారి పెట్రో మంట..

దేశవ్యాప్తంగా సామాన్యుడికి కేంద్ర ప్రభుత్వం భారీ షాక్ ఇచ్చింది. గత కొద్ది రోజులుగా స్థిరంగా ఉన్న ఇంధన ధరలకు ఒక్కసారిగా రెక్కలు వచ్చాయి. పెట్రోల్, డీజిల్ మరియు సి.ఎన్.జి ధరలను పెంచుతూ చమురు సంస్థలు తీసుకున్న నిర్ణయం సామాన్య, మధ్యతరగతి ప్రజల గుండెల్లో రైళ్లు పరిగెత్తిస్తోంది.

కేంద్రం తీసుకున్న తాజా నిర్ణయంతో అన్ని రకాల వేరియంట్లపై ధరల పెంపు. పెట్రోల్: లీటరుకు ₹3.00, డీజిల్: లీటరుకు ₹3.00, CNG: కిలోకు ₹2.00 పెంపు. అంతర్జాతీయ మార్కెట్‌లో ముడిచమురు ధరల్లో వస్తున్న మార్పులు, ప్రపంచవ్యాప్తంగా నెలకొన్న భౌగోళిక ఉద్రిక్తతల దృష్ట్యా ఈ నిర్ణయం తప్పలేదని ప్రభుత్వ వర్గాలు పేర్కొంటున్నాయి.

ఈ ధరల పెంపుపై ప్రతిపక్షాలు తీవ్రస్థాయిలో విరుచుకుపడుతున్నాయి. “ప్రభుత్వానికి సామాన్యుడి కష్టాలు పట్టడం లేదు” అంటూ కాంగ్రెస్, తృణమూల్ కాంగ్రెస్ మరియు ఇతర ప్రాంతీయ పార్టీలు మండిపడుతున్నాయి.”ఇది కేవలం ధరల పెంపు కాదు, సామాన్యుడి జేబుకు చిల్లు పెట్టడమే. తక్షణమే ఈ పెంపును ఉపసంహరించుకోవాలి” అని విపక్ష నేతలు డిమాండ్ చేస్తున్నారు.

ఇంధన ధరల పెరుగుదల కేవలం వాహనదారులకే కాకుండా, పరోక్షంగా అందరిపై ప్రభావం చూపుతుంది. లారీ, ఆటో మరియు ఇతర రవాణా వాహనాల ఛార్జీలు పెరగనున్నాయి. రవాణా ఖర్చు పెరగడంతో పండ్లు, కూరగాయలు మరియు పాల ధరలు పెరిగే అవకాశం ఉంది. ఇప్పటికే పెరుగుతున్న ధరలతో సతమతమవుతున్న సామాన్యుడికి ఇది అదనపు భారం.