భారీగా తగ్గిన పసిడి ధరలు

గోల్డ్ ప్రియులకు శుభవార్త. కొద్దిరోజులుగా బంగారంతో పాటు వెండి ధర కూడా అమాంతం పెరుగుతూ.. కొనుగోలు దారులకు చుక్కలు చూపించాయి. కిలో వెండి ధర లక్ష మార్కును దాటేసి.. లక్షా 15 వేల వరకూ చేరగా.. ఇప్పుడు క్రమంగా తగ్గుతూ వస్తోంది. గురువారం బులియన్ మార్కెట్ లో 10 గ్రాముల బంగారం ధర రూ.1350 నుంచి రూ.1790 వరకూ తగ్గింది. హైదరాబాద్ లో 18 క్యారెట్ల బంగారం 10 గ్రాములపై రూ.1350 తగ్గగా.. ప్రస్తుతం ధర రూ. 58,910గా ఉంది. 22 క్యారెట్ల బంగారం 10 గ్రాములపై రూ. 1650 తగ్గడంతో రూ.72000కు తగ్గింది. 24 క్యారెట్ల బంగారం 10 గ్రాములపై రూ. 1790 తగ్గడంతో.. రూ.78,560కి దిగివచ్చింది. ఇక వెండి కూడా బంగారం బాటలోనే పయనించింది. రెండ్రోజులుగా స్థిరంగా ఉన్న వెండి ధర నేడు నేడు ఏకంగా రూ.3000 తగ్గింది. హైదరాబాద్ లో కిలో వెండి ధర రూ.1,02,000గా ఉంది. ధరలు తగ్గడంతో బంగారం కొనేందుకు రెడీ అవుతున్నారు.