సినీ ప్రియులకు మరో షాక్ ఇచ్చిన IBOMMA

గత కొద్ది రోజులుగా సినీ ప్రియులకు వరుస షాకులిస్తున్న IBOMMA ఇప్పుడు మరో షాకింగ్ న్యూస్ చెప్పింది. ఇప్పటికే సినిమాలు డౌన్ లోడ్ చేసుకోవడానికి వీలు లేదని ఆంక్షలు పెట్టిన IBOMMA, ఇప్పుడు ఇండియాలో సెప్టెంబర్ 9వ తేది నుంచి తమ సర్వీసులను పూర్తిగా నిలిపివేయనున్నట్లు ప్రకటించిది. మరోసారి తిరిగి వచ్చే ఆలోచన లేదని..తమకు ఎవరూ మెయిల్స్ చేయవద్దని ప్రేక్షకులకు సూచించింది. తమ పై ఇంత ప్రేమ చూపిస్తున్న అభిమానులకు ధన్యవాదాలు తెలిపింది.

సినీ ప్రియులకు IBOMMA గురించి ప్రత్యేకంగా పరిచయం అవసరం లేదు. ఓటీటీలో విడుదలయ్యే అన్ని సినిమాలను హై క్వాలిటీతో డబ్బులు వెచ్చించకుండానే ఉచితంగా చూడొచ్చు . అంతేకాదు సినిమా మొత్తాన్ని డౌన్ లోడ్ కూడా చేసుకోవచ్చు. దీంతో IBOMMAను ఎక్కువ మంది ప్రేక్షకులు ఉపయోగిస్తున్నారు. అయితే గత కొద్ది రోజులుగా సినీ ప్రియులకు వరుసగా షాకులిస్తుంది. గతంలో తమ సేవలను ఇండియాలో పూర్తిగా నిలివేస్తున్నట్లు ప్రకటించి.. ఆ తర్వాత తమ నిర్ణయాన్ని వెనక్కు తీసుకుంటున్నట్లు తెలిపింది. ఇక రెండు రోజుల క్రితం IBOMMA వెబ్ సైట్ నుంచి సినిమాలను డౌన్ లోడ్ చేసుకోవడానికి వీలు లేదని ఆంక్షలు విధించింది. ఇక ఇప్పుడు సెప్టెంబర్ 9 నుంచి తమ సేవలను పూర్తిగా మూసివేస్తున్నట్లు ప్రకటించింది. ఇప్పుడు IBOMMA తీసుకున్న ఈ నిర్ణయం సినీ ప్రియులకు పెద్ద షాక్ అనే చెప్పాలి.