రైల్వే గార్డ్ అరాచకం, సీనియర్ తో సహా ముగ్గురు ప్రయాణీకుల కాల్చివేత
సోమవారం ఉదయం మహారాష్ట్రలోని పాల్ఘర్ రైల్వే స్టేషన్ సమీపంలో నడుస్తున్న రైలులో అసిస్టెంట్ సబ్-ఇన్‌స్పెక్టర్‌తో సహా నలుగురిని రైల్వే ప్రొటెక్షన్ ఫోర్స్ కానిస్టేబుల్ కాల్చి చంపాడు. పారిపోయేందుకు ప్రయత్నించిన గార్డును సిబ్బంది అరెస్టు చేశారు. జైపూర్-ముంబై సెంట్రల్ సూపర్‌ఫాస్ట్ ఎక్స్‌ప్రెస్ (12956)లో జరిగిన కాల్పుల ఘటనలో ASI సహా నలుగురు మరణించారు. నిందితుడు, RPF కానిస్టేబుల్ చేతన్ సింగ్, ఉదయం ఐదు గంటల సమయంలో తన అధికారిక ఆటోమేటిక్ వెపన్‌తో కాల్పులు జరిపాడు. మరో RPF సహోద్యోగి, అతని ఎస్కార్ట్ డ్యూటీ ఇన్‌ఛార్జ్ ASI టికారమ్ మీనాతోసహా, రైలులో ముగ్గురు ప్రయాణికులు మరణించారు. జైపూర్ నుంచి ముంబైకి వస్తున్న సమయంలో ఈ ఘటన జరిగింది. తికారమ్ మీనా రాజస్థాన్‌లోని సవాయ్ మాధోపూర్ వాసి. చేతన్ సింగ్ ఉత్తరప్రదేశ్‌లోని హత్రాస్‌కు చెందినవారు. వీరితో పాటు మరో ఇద్దరు ఆర్పీఎఫ్ జవాన్లు ఉన్నారని, వారి వాంగ్మూలాలను నమోదు చేస్తున్నామని పోలీసులు తెలిపారు.
నిందితుడు, చేతన్ సింగ్‌కు షార్ట్ టెంపర్ ఉందని, ఎలాంటి గొడవ లేకున్నా, తన నిగ్రహాన్ని కోల్పోయి తన సీనియర్‌ను కాల్చివేసాడని ఆర్పీఎఫ్ ఓ ప్రకటనలో పేర్కొంది. ప్రయాణీకులను ఇంకా గుర్తించలేదని RPF తెలిపింది. ఘటనపై ఉన్నత స్థాయి విచారణ జరుపుతున్నట్లు పశ్చిమ రైల్వే తెలిపింది. నిందితుడిని లోయర్ పరేల్‌లో నియమించినట్లు వారు తెలిపారు. సీనియర్‌ను చంపిన తర్వాత, కానిస్టేబుల్ మరో బోగీకి వెళ్లి ముగ్గురు ప్రయాణికులను కాల్చి చంపాడని అధికారులను ఉటంకిస్తూ వార్తా సంస్థ పిటిఐ తెలిపింది. పాల్ఘర్ స్టేషన్ దాటిన తర్వాత కదులుతున్న రైలులో ఆర్‌పిఎఫ్ కానిస్టేబుల్ కాల్పులు జరిపి, చైన్ లాగి, దహిసర్ స్టేషన్‌కు సమీపంలో రైలు నుండి దిగినట్లు రైల్వే చీఫ్ పబ్లిక్ రిలేషన్స్ ఆఫీసర్ తెలిపారు. ప్రభుత్వ రైల్వే పోలీసులు, ఆర్‌పిఎఫ్ అధికారుల సహాయంతో మీరా రోడ్ వద్ద పోలీసులు అతన్ని పట్టుకున్నారు. రైల్వే అధికారులు తెలిపిన వివరాల ప్రకారం.. నిందితులతో సహా నలుగురు ఆర్పీఎఫ్ సిబ్బంది సోమవారం గుజరాత్‌లోని సూరత్ స్టేషన్ నుంచి జైపూర్-ముంబై సెంట్రల్ ఎక్స్‌ప్రెస్‌కు ఎస్కార్ట్ చేస్తున్నారు. నలుగురు సభ్యుల బృందం అంతకుముందు దాదర్-పోర్‌బందర్ సౌరాష్ట్ర ఎక్స్‌ప్రెస్‌ను సూరత్ స్టేషన్ వరకు ముందురోజు ఎస్కార్ట్ చేసింది. తిరుగు ప్రయాణంలో, ఎస్కార్టింగ్ పార్టీ జైపూర్-ముంబై సెంట్రల్ ఎక్స్‌ప్రెస్‌కు కాపలాగా ఉందని సీనియర్ రైల్వే అధికారి తెలిపారు.
ఎస్కార్ట్ పార్టీలు సాధారణంగా సుదూర రైలులో GRP, RPF నలుగురు నుండి ఐదుగురు సిబ్బందిని కలిగి ఉంటాయి. వారు తమ సంబంధిత రైల్వే డివిజన్‌లలో రైళ్లకు భద్రతను అందిస్తారు. ఆ తర్వాత, ఇతర డివిజన్‌లకు చెందిన కౌంటర్‌పార్ట్‌ రైళ్లను రక్షించే బాధ్యతను తీసుకుంటారు. పశ్చిమ రైల్వే (డబ్ల్యూఆర్) చీఫ్ పబ్లిక్ రిలేషన్స్ ఆఫీసర్ సుమిత్ ఠాకూర్ పిటిఐకి మాట్లాడుతూ, నిందితుడు కానిస్టేబుల్ ఇక్కడ లోయర్ పరేల్ ఆర్‌పిఎఫ్ పోస్టుకు, ఎఎస్‌ఐ టికా రామ్ మీనాను దాదర్ ఆర్‌పిఎఫ్ పోస్ట్‌కు అటాచ్ చేసినట్లు చెప్పారు. జైపూర్-ముంబై సెంట్రల్ ఎక్స్‌ప్రెస్ ఆదివారం మధ్యాహ్నం 2.01 గంటలకు రాజస్థాన్‌లోని జైపూర్ స్టేషన్ నుండి బయలుదేరి, సోమవారం తెల్లవారుజామున 2.47 గంటలకు ఎస్కార్ట్ పార్టీ రైలు ఎక్కిన సూరత్ స్టేషన్‌కు చేరుకుంది.
కానిస్టేబుల్ చేతన్ సింగ్ ఉదయం ఐదు గంటల సమయంలో తన ఆటోమేటిక్ వెపన్ నుండి కాల్పులు జరిపాడు. ఏఎస్ఐ తికారమ్ మీనా కుటుంబానికి నష్టపరిహారం ప్రకటించినట్లు పశ్చిమ రైల్వే తెలిపింది. రైల్వే సురక్ష కళ్యాణ్ నిధి నుండి ₹ 15 లక్షలు, అంత్యక్రియల ఖర్చులకు ₹ 20,000, డెత్-కమ్-రిటైర్మెంట్ గ్రాట్యుటీగా ₹ 15 లక్షలు, జనరల్ ఇన్సూరెన్స్ స్కీమ్ కింద ₹ 65,000 ఇస్తామంది. టికారమ్ మీనాకు భార్య మరియు ఇద్దరు పిల్లలు ఉన్నారు — పూజ అనే 25 ఏళ్ల కుమార్తె, 35 ఏళ్ల కుమారుడు ఉన్నారు. ఇద్దరికీ పెళ్లయింది. అతనికి 80 ఏళ్ల తల్లి కూడా ఉంది. మీనా 2025లో పదవీ విరమణ చేయాల్సి ఉంది. ఇంతలోనే ఈ ఘోరం జరిగింది.
