వివేకా హత్య వెనక నిజంలో, అబద్ధముందా? ఆర్జీవీ కొత్త చానెల్ “నిజం”
అబద్ధాల బట్టలూడదీయడానికి.. ” నిజం” చానల్ ప్రారంభిస్తున్నట్టు డైరెక్టర్ ఆర్జీవీ తెలిపారు. చానెల్ ముఖ్య ఉద్దేశం నిజం పూర్తి నగ్న స్వరూపాన్ని చూపించడమని చెప్పారు. అబద్ధం బతికేదే నిజాన్ని చంపటం కోసం ప్రయత్నించటానికి, నిజాన్ని ఎవ్వరూ చంపలేరంటూ మొదలుపెట్టారు. కొన్నిసార్లు నిజం అప్పుడప్పుడూ చచ్చిపోయినట్టు నటిస్తోందని. దానికి మోసపోయి, చచ్చింది అని అబద్ధాలు చెప్పే వాళ్ళు సంబరం తో డాన్స్ లాడతారన్నారు. ఏదో ఒక రోజు వెనక నుంచి ముందు పోటు పొడుస్తోందన్నారు. నిజాన్ని చేధించడానికి ఒకే ఒక్క సాధనం లాజికల్ థింకింగ్ అంటూ చెప్పుకొచ్చారు. అనాలిసిస్ ద్వారా , టెక్నాలజీ ద్వారా , సర్కమ్ స్టాన్సేస్ ద్వారా అన్నింటికన్నా ముఖ్యంగా మోటివ్ మీద కాన్సంట్రేట్ చేయడం ద్వారా నిజాన్ని అబద్ధం నుంచి కాపాడొచ్చన్నారు. నేటి నుంచి నిజం చానెల్ ప్రారంభమవుతుందన్నారు.
“నిజం”ఛానల్ లో కేవలం పొలిటికల్ కాంట్రవర్సీస్ మాత్రమే కాకుండా కొన్ని కరెంట్ సిట్యుయేషన్స్, సైన్స్, హిస్టరీ, ఆర్టిఫీషియల్ ఇంటెలిజెన్స్, సెక్స్ , ఫిలాసఫీ, పోలీస్, క్రైం, న్యాయ స్థానాలు ఇంకా ఎన్నెన్నో టాపిక్స్ ఉంటాయన్నారు. నిజాన్ని గౌరవించే ప్రతి ఒక్కరికీ ఈ నిజం ఛానల్ గొడుగు కింద వాళ్లకే కేటాయించిన ఒక ప్రత్యేక చోటుంటుందన్నారు. వివేకా మర్డర్ వెనక నిజంలోని అబద్ధాలు, ఆ అబద్ధాలు చెప్పే వాళ్ళ వెనక ఉన్న నిజాలు, ఆ నిజాల వెనక వేరే వాళ్ళు ప్రభోధిస్తున్న అబద్ధపు నిజాలు, ఇంకా వాళ్ల పైవాళ్లు బలవంతంగా అందరి నెత్తి మీద రుద్దుతున్న నిజమైన అబద్ధాలు, వాటన్నింటి వెనుక అసలు నిజాలన్నింటినీ కూడా తవ్వి తీయడమే “నిజం” ఛానల్ ముఖ్య ఉద్దేశం. వివేకా హత్య వెనక నిజంలో అబద్దముందా ? ఎపిసోడ్ రిలీజ్ 25 న సాయంత్రం 4 గంటలకు చూడొచ్చన్నారు.
