ప్రధానినే మోసం చేసిన సైబర్ నేరగాళ్లు

థాయిలాండ్ ప్రధాని పేటోంగ్టార్న్ షినవత్రాను ఏఐ ఫోన్ కాల్‌తో సైబర్ నేరగాళ్లు బోల్తా కొట్టించారు. ప్రపంచ ప్రఖ్యాతిగాంచిన ఒక నేత గొంతును అనుకరిస్తూ తనకు ఫోన్ కాల్ వచ్చిందని ఆమె తెలియజేశారు. ఆ ఫోన్ మాట్లాడుతూ తాను ఎంతో ఆశ్చర్యానికి గురయ్యానని, మోసాన్ని వెంటనే గుర్తించగలిగానని పేర్కొన్నారు. ఏఐ ఎంత ప్రమాదకరమో గుర్తించి ఆందోళనకు లోనయ్యానని పేర్కొన్నారు. ఆ ఫోన్‌లో “ఎలా ఉన్నారు? మీతో కలిసి పనిచేయాలనుకుంటున్నాను”. అని స్పష్టమైన గొంతుతో వాయిస్ వినిపించిందని తెలిపారు. కానీ ఏ నేత పేరుతో ఆ ఫోన్ వచ్చిందో తెలియజేయలేదు.