రాజకీయ పార్టీల ఉచితాలపై కేంద్ర ప్రభుత్వం ‘శ్వేతపత్రం’ విడుదల చేయాలి: ఆర్‌బీఐ మాజీ గవర్నర్ దువ్వూరి
ప్రధానమంత్రి నేతృత్వంలోని కేంద్రప్రభుత్వం రాజకీయ పార్టీల మధ్య ఏకాభిప్రాయం సాధించేందుకు ‘శ్వేతపత్రం’ రూపొందించాలని రిజర్వ్ బ్యాంక్ మాజీ గవర్నర్ దువ్వూరి సుబ్బారావు అన్నారు. ఈ విషయంలో రాజకీయ పార్టీలపై ఏవిధంగా ఆంక్షలు విధించాలనే దానిపై సమగ్ర చర్చ జరగాలన్నారు. ఉచితాల ఖర్చు, ప్రయోజనాలపై ప్రజలకు మరింత అవగాహన కల్పించాలని, దీనిపై ప్రజలకు అవగాహన కల్పించాల్సిన బాధ్యత ప్రభుత్వానిదేనని అన్నారు. “ఇది అంతిమంగా రాజకీయ సమస్య అని భావిస్తున్నాను. దీనిపై రాజకీయ ఏకాభిప్రాయం ఉండాలి. నాయకత్వాన్ని కేంద్ర ప్రభుత్వం, ప్రధానమంత్రి బాధ్యత తీసుకోవాలి. వారు తప్పనిసరిగా ఒక శ్వేతపత్రాన్ని తేవాలి. దీనిపై ఏకాభిప్రాయాన్ని రూపొందించడానికి ప్రయత్నించాలి. ఈ బహుమతులు లేదా ఉచితాల లాభాలు, నష్టాలపై ప్రజలకు అవగాహన కల్పించాలి. ఎలా నిగ్రహాన్ని ఉంచాలి. ఎలా అమలు చేయవచ్చు” అని చూడాలి అని RBI మాజీ గవర్నర్ ఇటీవలి ఇంటరాక్షన్‌లో PTI కి చెప్పారు.
సుబ్బారావు మాట్లాడుతూ భారతదేశం వంటి పేద దేశంలో, అత్యంత బలహీనమైన వర్గాలకు కొన్ని సంక్షేమ కార్యక్రమాలు అందించడం, ఆర్థిక పరిమితులను బట్టి, ఎంతవరకు ఇవ్వచ్చన్నదానిపై ప్రభుత్వాలు ఆత్మపరిశీలన చేసుకోవాల్సిన బాధ్యత ఉందని అన్నారు. “మీరు అడగాలి ఈ డబ్బు ఉత్తమ వినియోగం, లేదా ఏదైనా మంచి చేయగలం. కాబట్టి ఉచితాలపై మరింత సమాచారం, బలమైన చర్చ జరగాలు. రాజకీయ పార్టీలపై మనం కొంత నియంత్రణను ఎలా విధించవచ్చు ”అని శోధించాలని అని కేంద్రాన్ని కోరారు.
ఎఫ్‌ఆర్‌బిఎం పరిమితులను దాటిన కొన్ని రాష్ట్రాలపై, రాష్ట్రాలు, కేంద్ర ప్రభుత్వం ఆర్థిక క్రమశిక్షణను కొనసాగించాలని, ఎఫ్‌ఆర్‌బిఎం లక్ష్యాలకు కట్టుబడి ఉండాలని ఆయన అన్నారు. 2047 నాటికి అభివృద్ధి చెందిన దేశంగా ఎదగాలంటే 2047 వరకు స్థిరంగా 7.6 శాతం వృద్ధిని సాధించాల్సిన అవసరం ఉందని ఐఎంఎఫ్ అధ్యయనం చేసిందని సుబ్బారావు ఒక ప్రశ్నకు సమాధానంగా చెప్పారు. “వచ్చే 25 సంవత్సరాలలో సంవత్సరానికి 7.6 శాతం వృద్ధి రేటును కొనసాగించడానికి, కొన్ని దేశాలు దీన్ని అమలు చేశాయి, చైనా చేసింది, అయితే వాతావరణ మార్పు, భౌగోళిక రాజకీయాలు వంటి అన్ని సవాళ్లతో మనం దీన్ని చేయగలమా అనేది చాలా కష్టమైన అంశం. ప్రపంచీకరణ నేపథ్యంలో చెప్పడం కష్టం’ అన్నారు సుబ్బారావు.
అభివృద్ధి చెందిన దేశానికి నాలుగు స్తంభాలు- చట్ట పాలన, బలమైన రాష్ట్రం, ప్రజాస్వామ్య జవాబుదారీతనం సంస్థలు ఉంటాయని ఆర్‌బిఐ మాజీ చీఫ్ అన్నారు. “మనకు అవి లేవని చెప్పలేం, అలాగే అవన్నీ మన దగ్గర ఉన్నాయని చెప్పలేము. కాబట్టి వీటిని మనం పెంపొందించుకోవాలి. అభివృద్ధి చేయాలి, ”అని చెప్పారు. 2029 నాటికి ప్రపంచంలోనే మూడో అతిపెద్ద ఆర్థిక వ్యవస్థగా అవతరించినా, ప్రధాని నరేంద్రమోదీ ఊహించిన విధంగా భారత్‌ను పేద దేశంగా పిలుచుకునే అవకాశం ఉందని, అందుకు వేడుకలకు పిలుపునివ్వడం అవసరం లేదని సుబ్బారావు గతంలోనే చెప్పారు.
