ఫార్మాసిటీలో ప్రమాదం.. ఇద్దరు సీరియస్
అనకాపల్లి జిల్లాలోని పరవాడ మండలం జవహర్ లాల్ నెహ్రూ ఫార్మాసిటీలో ఇవాళ ఉదయం ప్రమాదం సంభవించింది. అక్కడున్న రక్షిత డ్రగ్స్ ప్రైవేట్ లిమిటెడ్ ఫార్మా పరిశ్రమలో హైడ్రోజన్ సల్ఫైడ్ విష వాయువులు లీకయ్యాయి. ఈ విష వాయువు పేల్చి నలుగురు కార్మికులు అస్వస్థతకు గురయ్యారు. వీరిలో ఇద్దరి పరిస్థితి విషమంగా ఉంది. వీరు ఒడిశాకు చెందిన దేవ్ బాగ్, ఉగ్రేస్ గౌడ్ గుర్తించారు. వారిని చికిత్స కోసం గాజువాకలోని ఓ ప్రైవేట్ హాస్పిటల్ కు తరలించారు.
ఫార్మా కంపెనీలో ప్రమాదంపై విచారణ జరిపి నివేదిక అందించాల్సిందిగా పరిశ్రమలు, పొల్యూషన్ కంట్రోల్ అధికారులను కలెక్టర్ విజయకృష్ణన్ ఆదేశించారు. తీవ్ర అస్వస్థతకు గురైన కార్మికులకు మెరుగైన వైద్య సేవలు అందించాలని కలెక్టర్ సూచించారు.
