రెండేళ్లేం చేశారు? ఎన్నికలకు ముందు ఏందీ లొల్లి? బీజేపీపై కేజ్రీవాల్ ధ్వజం

లోక్‌సభ ఎన్నికల ప్రచారం చేయరాదనే ఎన్‌ఫోర్స్‌మెంట్ డైరెక్టరేట్ సమన్లు ​​జారీ చేసిందని ఆరోపించారు ఢిల్లీ ముఖ్యమంత్రి కేజ్రీవాల్. ఈరోజు ఎన్‌ఫోర్స్‌మెంట్ డైరెక్టరేట్ తనను అరెస్టు చేసే అవకాశం ఉందని పార్టీ నేతల వ్యాఖ్యల నేపథ్యంలో ఢిల్లీ ముఖ్యమంత్రి, ఆప్ చీఫ్ అరవింద్ కేజ్రీవాల్, బీజేపీపై విరుచుకుపడ్డారు. లోక్‌సభ ఎన్నికలకు ప్రచారం చేయకుండా చేసేందుకు తనకు సమన్లు ​​జారీ చేశారని ఆరోపించారు. ఢిల్లీ మద్యం పాలసీ కేసులో ఎలాంటి అవినీతి జరగలేదని, తనను అరెస్ట్ చేసేందుకు బీజేపీ ప్రయత్నిస్తోందన్న పార్టీ వాదనలను పునరుద్ఘాటించారు. “గత రెండేళ్లలో మీరు మద్యం పాలసీ స్కాం గురించి చాలాసార్లు విన్నారు. ఈ రెండేళ్లలో, బీజేపీకి చెందిన అన్ని ఏజెన్సీలు అనేక దాడులు నిర్వహించి అనేక మందిని అరెస్టు చేశాయి. కానీ వారు పైసా అవినీతిని కూడా కనుగొనలేకపోయారు. అసలు అవినీతి జరిగితే, అన్ని కోట్లు ఎక్కడికి పోతాయి? డబ్బు అంతా గాలికి మాయమైందా,” అని ముఖ్యమంత్రి ప్రశ్నించారు.