బతుకమ్మ కుంటలో ప్రత్యేక పూజలు చేసిన కాంగ్రెస్ నేత

హైదరాబాద్ లోని అంబర్ పేట్ లో గల బతుకమ్మకుంటలో హైడ్రా సిబ్బంది చెరువు పునరుద్ధరణ పనులను ప్రారంభించాయి. ఇక్కడ జేసీబీలతో మోకాలి లోతు వరకు తవ్వగానే నీరు ఉబికి వచ్చింది. దీంతో హైడ్రా అధికారులతో పాటు స్థానికులు ఆశ్చర్యపోయారు. పునరుద్ధరణ పనులు జరుగుతున్నప్పుడు ఎక్కడో పైపు లైన్ పగిలి నీరు ఉబికి వచ్చిందని కొంతమంది అనుమానం వ్యక్తం చేశారు. దీంతో, ఎక్కడైనా పైపు లైన్ పగిలిందా? అనే కోణంలో జలమండలి అధికారులు పరిశీలన జరిపారు. కానీ పునరుద్ధరణ పనులు జరుగుతున్న ప్రాంతంలో ఎక్కడా, ఎలాంటి పైపు లైన్ లేదని, భూగర్భం నుండి మాత్రమే నీరు ఉబికి వచ్చిందని నిర్ధారించారు. దీంతో స్థానికులు హర్షం వ్యక్తం చేశారు. “మోకాలి లోతుకే ఉప్పొంగిన గంగ, హైడ్రా తవ్వకాల్లో బయటపడిన బతుకమ్మకుంట” అంటూ హైడ్రా ట్వీట్ చేసింది. దీంతో ఈ రోజు చెరువును కాంగ్రెస్ నేతలు సందర్శించి ప్రత్యేక పూజలు చేశారు కాంగ్రెస్ సీనియర్ నాయకుడు సిహెచ్ హన్మంత్ రావు.