పెళ్లి–మాతృత్వంపై విమర్శలకు ఉపాసన సమాధానం

ఇటీవల పెళ్లి, మాతృత్వంపై చేసిన వ్యాఖ్యలు సోషల్ మీడియాలో వివాదానికి దారితీయడంతో ఉపాసన స్పందించారు. తన వ్యక్తిగత ప్రయాణంపై విమర్శలు చేయడం సరికాదని ఆమె పేర్కొన్నారు.

“నేను 27 ఏళ్లకు పెళ్లి చేసుకున్నా. వ్యక్తిగత కారణాల వల్ల 36 ఏళ్లకు తల్లి అయ్యా. నా జీవితంలో పెళ్లి, కెరీర్ రెండింటికీ సమ ప్రాధాన్యత ఉంది. ఈ రెండింటికీ ఎలాంటి పోటీ లేదు” అని ఉపాసన స్పష్టం చేశారు.

అలాగే, ‘ఒక మహిళకు సరైన భాగస్వామి దొరికినప్పుడు పెళ్లి చేసుకోవడం తప్పా? వ్యక్తిగత పరిస్థితుల ప్రకారం పిల్లలను ఎప్పుడు కనాలో నిర్ణయించుకోవడం తప్పా?’ అని ఆమె విమర్శకులను ప్రశ్నించారు.

ఉపాసన వ్యాఖ్యలు ప్రస్తుతం సోషల్ మీడియాలో చర్చనీయాంశంగా మారాయి.