అధిక ప్రయాణాలతో ట్రావెల్ డిస్మోర్ఫియా
ఇంటర్నెట్ డెస్క్ : ఒత్తిడి, ఆందోళన వంటి సమస్యలతో బాధపడేవారికి ఏదైనా మంచి టూర్ కు వెళ్లాలని సమాధానమిస్తుంటాం. కానీ అతి ప్రయాణాలతో ఈ సమస్య తగ్గకపోగా మరింత పెరుగుతుంది.
జీవన శైలిలో బోర్ ఫీలయ్యే వారు వారాంతాలలో ట్రిప్స్ ప్లాన్ చేస్తుంటారు. అయితే తిరిగొచ్చాక నిస్సత్తువతో కూలబడిపోతారు. ఇంటి పని, వంటపనులు చేయాలంటే బోర్ కొట్టేస్తుంది.
ప్రయాణంలో దొరికే సౌలభ్యాలకు అలవాటు పడి ఉంటారు. మళ్లీ ట్రిప్ వేసేవరకూ ఇలాగే అనిపిస్తుంది. దీనినే ట్రావెల్ డిస్మోర్ఫియా అంటారు. ఇలా జరగడానికి కారణం ఇటీవల సర్వేలో తేలింది. ప్రయాణాలలో కొత్త వ్యక్తులను కలవడం, ప్రకృతి అందాలు చూస్తూ తిరగడం వల్ల మనసులో డోపమైన్ విడుదల కావడంతో ఉత్తేజంగా ఉంటుంది.
సాధారణ జీవనశైలిలో అవి లేకపోవడం వల్ల నిస్సత్తువ ఆవహిస్తుంది. అందుకే మరీ ఎక్కువగా తిరిగే అలవాటు కూడా మంచిది కాదంటున్నారు నిపుణులు. జీవితంలో రోజువారీ జీవితశైలికి కూడా ప్రాధాన్యత ఇవ్వాలని చెప్తున్నారు. దేనికి ఇవ్వాల్సిన ప్రాధాన్యత దానికి ఇవ్వాలని చెప్తున్నారు.
