ఇద్దరు సూపర్‌హీరోల ప్రేమకథే ఈ సినిమా: సుధీర్‌బాబు
ఇది సూపర్‌హీరో సినిమా కాదు. కానీ ఆ సినిమాల్లో హీరోలకి వుండే సూపర్‌ ఫాలోయింగ్, పవర్‌ ఈ సినిమాలో వాడబడింది. ఆ పవర్‌ పేరే ప్రేమ. ‘నాకు గొప్ప జీవితాన్నివ్వడానికి నాన్న పడ్డ కష్టం ఏమిటో నాకు తెలుసు, అర్థం చేసుకున్నాను. అందుకే.. సుధీర్‌బాబు సన్నాఫ్‌ పోసాని నాగేశ్వరరావు అని చెప్పుకోడానికి ఏమీ సిగ్గుపడను. ఇద్దరు సూపర్‌హీరోల మధ్య సాగే ప్రేమకథే ఈ సినిమా. నా కెరీర్‌ మొత్తంలో నటుడిగా నాకు ఒక సంతృప్తినిచ్చిన సినిమా కూడా ఇదే అవుతుంది. అభిలాష్‌ కంకర అద్భుతంగా డైరెక్ట్ చేశారు. కుటుంబ సమేతంగా చూడాల్సిన సినిమా ఇది’ ఎటువంటి డబుల్ మీనింగ్ డైలాగులు ఉండవని సుధీర్‌బాబు చెప్పారు. కుటుంబంతో కలిసి అందరూ సినిమా చూడవచ్చునని సుధీర్‌బాబు చెప్పారు. ఆయన కథానాయకుడిగా రూపొందించిన సినిమా ‘మా నాన్న సూపర్‌హీరో’. అర్ణ, సాయిచంద్‌, షాయాజీ షిండే కీలక పాత్రల్లో నటిస్తున్నారు. సునీల్‌ బలుసు నిర్మాత. అక్టోబర్‌ 11న సినిమా విడుదలకు సిద్ధమౌతోంది. గురువారం జరిగిన ఈ సినిమా టీజర్‌ లాంచ్‌ కార్యక్రమంలో సుధీర్‌బాబు మాట్లాడారు. సుధీర్‌బాబు తండ్రిగా నటించడం పట్ల నటుడు షాయాజీ షిండే తన హ్యాపీని వ్యక్తం చేశారు. ఈ సినిమాలో భాగం కావడం ఆనందంగా ఉందని హీరోయిన్‌ అర్ణ అన్నారు. ఇంకా డైరెక్టర్ అభిలాష్‌ కంకర, నటుడు శశాంక్‌, సంగీత దర్శకుడు జై క్రిష్‌ కూడా మాట్లాడారు. రాజు సుందరం, ఆమని ఇతర పాత్రలు పోషిస్తున్న ఈ చిత్రానికి కెమెరా: సమీర్‌ కల్యాణి.
