ఇతరుల విషయంలో తలదూర్చి నష్టపోతారు..తస్మాత్ జాగ్రత్త

23 సెప్టెంబర్ దిన ఫలాలు

మేష రాశి : ఆర్థిక సమస్యలు తలెత్తిన నెమ్మదిగా సమసిపోతాయి. మీ సన్నిహితుల వైఖరివల్ల విభేదాలు వచ్చే అవకాశం ఉంది. జాగ్రత్త వహించండి. స్త్రీలకు ఆరోగ్య విషయంలో అధికమైన జాగ్రత్త అవసరం. బ్యాంకింగ్, ఫైనాన్స్ చిట్స్ రంగాల వారికి ఒత్తిడి, పనిభారం అధికమవుతుంది. ఉత్తర ప్రత్యుత్తరాలలో మెలుకువ అవసరం.

వృషభం : ఆర్థిక ఒడిదుడుకులు తలెత్తిన మిత్రుల సహకారం వల్ల సమసిపోగలవు. స్త్రీలకు ఆరోగ్య విషయంలో అధికమైన జాగ్రత్త అవసరం. మీ సన్నిహితుల వైఖరి వల్ల విభేదాలు వచ్చే అవకాశం ఉంది. నూనె, మిర్చి, కంది స్టాకిస్టులకు, వ్యాపారస్తులకు ఆశాజనకం. దైవ సేవా కార్య క్రమాలలో చురుకుగా వ్యవహరిస్తారు.

మిధునం : ఉద్యోగస్తులు తోటివారి నుండి ఆసక్తికరమైన విషయాలు గ్రహిస్తారు. విదార్దులు చెడు స్నేహాలకు దూరంగా ఉండటం మంచిది. ఖర్చులు పెరిగినా ఇబ్బందులుండవు. ప్రతికూల వాతావరణంలో అనుకూల ఫలితాలు సాధించడానికి ప్రయత్నిస్తారు. నగదు చెల్లింపు చెక్కుల జారి విషయంలో జాగ్రత్త వహించండి.

కర్కాటకం : ప్రైవేట్, పబ్లిక్ సంస్థల్లో వారికి ఊహించని మార్పులు సంభవిస్తాయి. రవాణా రంగాలవారు ఇబ్బందులను ఎదుర్కొంటారు. విద్యార్థులు బజారు తినుబండారాలు భుజించటం వల్ల అస్వస్థతకు లోనవుతారు. రావలసిన ధనం వసూలు విషయంలో ఓర్పు, లౌక్యం ఎంతో అవసరం. విదేశీ వస్తువుల పట్ల ఆకర్షితులౌతారు.

సింహం : కుటుంబ సౌఖ్యం కొంత తగ్గుతుందనే చెప్పవచ్చు. ప్రతి విషయంలోనూ నిర్మొహమాటంగా మీ అభిప్రాయాలు తెలియచేయండి. నిరుద్యోగులు చేపట్టిన ఉపాధి పథకాలకు గుర్తింపు లభిస్తుంది. స్త్రీలు సాహస కార్యాలకు దూరంగా ఉండటం మంచిది. బంధు మిత్రుల రాకతో గృహంలో కొత్త వాతావరణం నెలకొంటుంది.

కన్య : ఇతరుల విషయాలలో అతిగా వ్యవహరించడం వల్ల అభాసుపాలయ్యే ఆస్కారముంది. ధనం ఏమాత్రం నిల్వ చేయలేకపోవటం వల్ల ఆందోళనకు గురువుతారు. ఎలక్ట్రికల్, ఎలక్ట్రానికల్, కంప్యూటర్, శాస్త్ర రంగాల వారికి సదావకాశాలు లభిస్తాయి. అధ్యాత్మిక సేవా కార్యక్రమాల పట్ల ధ్యాస వహిస్తారు.

తుల : దైవ సేవా కార్యక్రమాలలో పాల్గొంటారు. ఖర్చులు అధికం అయినా సంతృప్తి ప్రయోజనం పొందుతారు. ఉమ్మడి వ్యాపారాలు, లీజు, ఏజెన్సీ వ్యవహరాలకు సంబంధించిన విషయాలలో మెలకువ వహించండి. చిన్నతరహా పరిశ్రమలు, చిరు వ్యాపారులకు పురోభివృద్ధి. వాహనం నడుపునపుడు మెలుకువ అవసరం.

వృశ్చికం : ప్రభుత్వ రంగంలో వారికి శ్రమకు తగిన ప్రతిఫలం కానరాదు. ఎలక్ట్రికల్, ఎలక్ట్రానిక్, కంప్యూటర్ రంగాల వారికి పురోభివృద్ధి. కుటుంబీకులతో కలిసి పుణ్యక్షేత్రాలను సందర్శిస్తారు. కంది, ఎండుమిర్చి, ధనియాలు, బెల్లం, ఆవాలు స్టాకిస్టులకు, వ్యాపారులకు కలిసిరాగలదు. ఎదుటివారితో ముక్తసరిగా సంభాషిస్తారు.

ధనుస్సు : ముఖ్య పనులు వాయిదా. శ్రమాధిక్యం. దూరప్రయాణాలు. వ్యాపార, ఉద్యోగాలలో కొద్దిపాటి చిక్కులు. పరిస్థితులు అనుకూలిస్తాయి. సభలు, సమావేశాలలో పాల్గొంటారు. బాకీలు వసూలవుతాయి. ఆలయాలు సందర్శిస్తారు. విందువినోదాలు. వ్యాపారాలు విస్తరిస్తారు. ఉద్యోగాలలో అనుకూల వాతావరణం.

మకరం : దైవ సేవా కార్యక్రమాలలో పాల్గొంటారు. ఖర్చులు అధికం అయినా సంతృప్తి ప్రయోజనం పొందుతారు. ఉమ్మడి వ్యాపారాలు, లీజు, ఏజెన్సీ వ్యవహరాలకు సంబంధించిన విషయాలలో మెలకువ వహించండి. చిన్నతరహా పరిశ్రమలు, చిరు వ్యాపారులకు పురోభివృద్ధి. వాహనం నడుపునపుడు జాగ్రత్త అవసరం.

కుంభం : ఆర్థికంగా స్థిరపడతారు. చిరు పరిచయాలు మరింతగా బలపడతాయి. ఉన్నతాధికారులు ధనప్రలోభానికి దూరంగా ఉండటం క్షేమదాయకం. కార్యసాధనలో పట్టుదలతో వ్యవహరించి సత్ఫలితాలు పొందుతారు. కోర్టు వ్యవహారాలలో భాగస్వామ్యుల మధ్య నూతన ఆలోచనలు స్ఫురిస్తాయి.

మీనం : ప్రభుత్వ రంగాలలో వారికి సమస్యలు తలెత్తుతాయి. ఎంత కష్టమైన పనైనా అవలీలగా పూర్తిచేస్తారు. రియల్ ఎస్టేట్ రంగాల వారికి నూతన వెంచర్ల విషయంలో ప్రతికూలతలు ఎదురవుతాయి. ధనం ముందుగానే సిద్ధం చేసుకోవటానికి యత్నించండి. స్వతంత్ర వృత్తులలో వారికి జయం చేకూరును.

మద్దికుంట శ్రీకాంత్ శర్మ
హిందూ ధర్మచక్రం సేవా సమితి
9849485645