సుప్రీం కోర్టు చారిత్రాత్మక తీర్పు ఎస్సీ, ఎస్టీల వర్గీకరణకు గ్రీన్ సిగ్నల్

ఇకపై ఎస్సీ, ఎస్టీ రిజర్వేషన్లను ఉప కులాల వర్గీకరణకు సుప్రీం కోర్టు గ్రీన్ సిగ్నల్ ఇచ్చింది. రిజర్వేషన్ల విభజన అధికారం రాష్ట్ర ప్రభుత్వానికే ఉందని తెలిపింది. వర్గీకరణపై 2004లో ఇచ్చిన తీర్పును సుప్రీం కోర్టు తోసిపుచ్చింది. ఎస్సీ, ఎస్టీల్లో అత్యంత వెనుకబడిన వర్గాల వారికి ఉపవర్గీకరణతో సుప్రీంకోర్టులోని ఏడుగురు న్యాయమూర్తుల రాజ్యాంగ ధర్మాసనం ఆమోదించింది. ఎస్సీ, ఎస్టీల్లో వెనుకబడిన వర్గాలలో మరింత అట్టడుగున ఉన్న వారికి ఉద్యోగాలు, విద్యలో రిజర్వేషన్లు కల్పించడానికి షెడ్యూల్డ్ కులాలు, షెడ్యూల్డ్ తెగల వర్గాలలో ఉపవర్గీకరణను రాజ్యాంగ ధర్మాసనం ఆమోదించింది. భారత ప్రధాన న్యాయమూర్తి (CJI) DY చంద్రచూడ్‌తో కూడిన ఏడుగురు న్యాయమూర్తుల రాజ్యాంగ ధర్మాసనం న్యాయమూర్తులు BR గవాయ్, విక్రమ్ నాథ్, బేల ఎం త్రివేది, పంకజ్ మిథాల్, మనోజ్ మిశ్రా, సతీష్ చంద్ర శర్మలతో కూడిన 2005 నాటి EV చిన్నయ్య వర్సెస్ స్టేట్ ఆఫ్ ఆంధ్రా తీర్పును తోసిపుచ్చింది. విచారణ సందర్భంగా, షెడ్యూల్డ్ కులాలు, షెడ్యూల్డ్ తెగలలో ఉప వర్గీకరణకు అనుకూలమని కేంద్రం కోర్టుకు తెలిపింది. ప్రధాన న్యాయమూర్తి “సబ్ క్లాసిఫికేషన్”, “సబ్- కేటగిరైజేషన్” మధ్య వ్యత్యాసం ఉందని చెప్పారు. ప్రయోజనాలు మరింత వెనుకబడిన వర్గాలకు చేరేలా చూసేందుకు రాష్ట్రాలు రిజర్వ్‌డ్ కేటగిరీ కమ్యూనిటీలను ఉప-వర్గీకరించవలసి ఉంటుందని అభిప్రాయపడ్డారు. ఆరు అభిప్రాయాలు ఒకలా ఉన్నాయి. మాలో మెజారిటీ EV చిన్నయ్య తీర్పుని తిరస్కరించారు. తీర్పును జస్టిస్ బేలా త్రివేది విభేదించారని సీజేఐ చెప్పారు.