కేజ్రీవాల్‌కు హైకోర్టులో లభించని ఉపశమనం, ఏప్రిల్ 3న కేసు విచారణ
కేజ్రీవాల్‌కు తక్షణం లభించని ఉరశమనం
మరికొద్ది రోజులు కస్టడీలోనే అరవింద్ కేజ్రీవాల్
ఈడీకి ఢిల్లీ హైకోర్టు నోటీసు జారీ
ఏప్రిల్ 2 వరకు ఈడీకి హైకోర్టు గడువు
ఢిల్లీ లిక్కర్ స్కామ్‌లో ఎన్‌ఫోర్స్‌మెంట్ డైరెక్టరేట్ తనను అరెస్టు చేయడాన్ని సవాలు చేస్తూ దాఖలైన పిటిషన్‌ను ఢిల్లీ హైకోర్టు బుధవారం తిరస్కరించిన తర్వాత అరవింద్ కేజ్రీవాల్ కనీసం మరో రాత్రైనా జైలులో గడపాల్సిందే. కేజ్రీవాల్ పిటిషన్‌పై స్పందించాలని EDని హైకోర్టు ఆదేశించింది. నోటీసులు జారీ చేసింది. ఏప్రిల్ 2 వరకు ఏజెన్సీకి సమయం ఇచ్చింది. ఈ కేసులో తదుపరి విచారణ ఏప్రిల్ 3న జరగనుంది. కేజ్రీవాల్ ప్రస్తుతం ED కస్టడీలో ఉన్నారు. అతన్ని ఏజెన్సీ ఢిల్లీ కార్యాలయంలో లాకప్‌లో ఉంచారు. గురువారంతో కేజ్రీవాల్‌కు ఈడీ 7 రోజుల కస్టడీ ముగుస్తుంది. తిరిగి కోర్టులో హాజరుపరుస్తారు. ఈసారి ఢిల్లీ రూస్ అవెన్యూ కోర్టులో విచారణ జరగనుంది. అయితే కస్టడీ పొడిగించాల్సిందిగా ఈడీ కోరడం ఖాయం.
ఇవాళ సుదీర్ఘంగా సాగిన విచారణలో, కేజ్రీవాల్ న్యాయ బృందం ఎన్‌ఫోర్స్‌మెంట్ డైరెక్టరేట్ “ఆలస్యం చేసే వ్యూహాలను” నిందించింది. ప్రతిస్పందించడానికి ఏజెన్సీ మూడు వారాల సమయం కోరింది. ఈడీ తరఫున అదనపు సొలిసిటర్ జనరల్ ఎస్వీ రాజు వాదనలు వినిపిస్తూ.. పిటిషన్ కాపీ ఆలస్యంగా అందిందని, అధ్యయనం చేసేందుకు తనకు సమయం కావాలని కోరారు. కేజ్రీవాల్ తరపున సీనియర్ న్యాయవాది అభిషేక్ సింఘ్వీ, మార్చి 23న పిటిషన్ దాఖలు చేసినట్లు తెలిపారు. లోపభూయిష్ట కాపీని ఆయనకు అందించడం ఈడీ న్యాయవాదికి ఇష్టం లేదన్న ఆలోచన మేరకే పిటిషన్ ఇచ్చామన్నారు. ఎలాంటి ఆధారాల్లేకుండా తనను అరెస్ట్ చేయడం మానవ హక్కులను ఉల్లంఘనని… రుజువులు చూపించడంలో ఎన్‌ఫోర్స్‌మెంట్ డైరెక్టరేట్ విఫలమైందని కేజ్రీవాల్ పిటిషన్‌లో పేర్కొన్నారు. “విచారణ లేకుండా అరెస్టు చేయడం ప్రస్తుత చర్య రాజకీయ ప్రేరేపితమని చూపిస్తుంది,” అని సింఘ్వి వాదించారు. వచ్చే నెలలో జరగనున్న లోక్‌సభ ఎన్నికల కోసం పార్టీ ప్రచారానికి అంతరాయం కలిగించడానికి అరవింద్ కేజ్రీవాల్ అరెస్టు సమయం ఆసన్నమైందని AAP వాదనను నొక్కిచెప్పారు.
అరవింద్ కేజ్రీవాల్‌ను గత వారం ఎన్‌ఫోర్స్‌మెంట్ డైరెక్టరేట్ అరెస్టు చేసింది. 2024 లోక్‌సభ ఎన్నికలకు ముందు ఎన్నికల ప్రచారం జరుగుతున్న తరుణంలో అరెస్ట్ రాజకీయ కుట్ర అంటూ ఆప్ వాదిస్తోంది. మార్చి 28 వరకు కేజ్రీవాల్‌కు కస్టడీకి కోర్టు అనుమతించింది. రద్దు చేయబడిన మద్యం పాలసీ రిటైలర్లకు 185 శాతం, టోకు వ్యాపారులకు 12 శాతం అధిక లాభాలను అందించిందని ఎన్‌ఫోర్స్‌మెంట్ డైరెక్టరేట్ విశ్వసిస్తోంది. వాటిలో, ఆరు శాతం – ₹ 600 కోట్లకు పైగా ముడుపులు AAP ఎన్నికల ప్రచారానికి నిధులు సమకూర్చడానికి ఉపయోగించబడిందని ఆరోపిస్తోంది. ఈ కేసులో ఇడి ముఖ్యమంత్రిని కీలక కుట్రదారుగా అభివర్ణించింది. అయితే ఈ విషయంలో అరెస్టయిన కేజ్రీవాల్, పార్టీ సహచరులు… మాజీ ఉప ముఖ్యమంత్రి మనీష్ సిసోడియా, రాజ్యసభ ఎంపి సంజయ్ సింగ్, ఆరోగ్య శాఖ మాజీ మంత్రి సత్యేందర్ జైన్ అందరూ ఆరోపణలు ఖండించారు. సార్వత్రిక ఎన్నికలకు ముందు ప్రత్యర్థులు, విమర్శకులను లక్ష్యంగా చేసుకోవడానికి ED వంటి కేంద్ర ఏజెన్సీలను ఉపయోగించుకున్నందుకు AAPతోపాటు, దేశంలోని ప్రతిపక్షాలు బిజెపి నేతృత్వంలోని కేంద్ర ప్రభుత్వంపై విరుచుకుపడ్డాయి. పార్టీకి ప్రచారం చేయకూడదన్న ఉద్దేశంతో కేజ్రీవాల్‌ను అరెస్టు చేశారని ఆప్ విమర్శిస్తోంది. విపక్షాలు వివరించిన విధంగా కేంద్ర ఏజెన్సీలను ఉపయోగిస్తుందన్న వాదనలను బీజేపీ తోసిపుచ్చుతోంది.
