నీట్ లీకేజ్‌పై సుప్రీంకోర్టు కీలక వ్యాఖ్యలు
నీట్ పరీక్ష,లీకేజ్, ఫలితాలపై సుప్రీం కోర్టు నేడు విచారణ చేపట్టింది. విచారణలో భాగంగా కీలక వ్యాఖ్యలు చేసింది. నీట్ పరీక్ష నిర్వహణ పారదర్శకంగా జరగలేదని వ్యాఖ్యానించింది. లీకేజ్ జరిగిన మాట వాస్తవమే అని తేల్చింది. ఈ లీకైన పేపరు ఎంతమందికి చేరిందో పూర్తి వివరాలు నివేదించాలని ఆదేశించింది. ఈ పరీక్ష రాసిన 23 లక్షల మంది విద్యార్థుల భవిష్యత్తుతో సంబంధం ఉన్న అంశమని, దీనిని పూర్తిగా విచారణ జరపకుండా తీర్పులు ఇవ్వడం సాధ్యం కాదని పేర్కొంది. అన్ని అంశాలనూ జాగ్రత్తగా పరిశీలించిన తర్వాతే ఈ విషయంపై తీర్పు ఇస్తామని పేర్కొంది. ఇది కేవలం ఇద్దరు విద్యార్థులకే సంబంధం ఉందంటున్నారనే వాదనతో కోర్టు ఏకీభవించలేదు.
