అమ్మాయిల అఘాయిత్యాలపై ప్రత్యేక చట్టం

తెలంగాణాలో స్కూళ్లు, కాలేజీ అమ్మాయిలపై జరుగుతున్న అఘాయిత్యాలపై తెలంగాణ ప్రభుత్వం ప్రత్యేక చట్టాన్ని తీసుకురానుంది.  ఇటీవల హైదరాబాదులోని డీఏవీ స్కూలులో చిన్నారిపై అత్యాచారం జరిగిన నేపథ్యంలో ప్రభుత్వం ఈ ప్రత్యేక చట్టంపై దృష్టి సారించింది. అమ్మాయిలపై ఏదైనా ఘటన జరిగితే సదరు స్కూలు, కాలేజీ యాజమాన్యాన్ని బాధ్యలను చేయడం ఈ చట్టంతో సాధ్యమవుతుందని హైదరాబాద్‌ పోలీస్‌ కమీషనర్‌ సీవీ ఆనంద్‌ పేర్కొన్నారు.  ఇప్పటికే స్కూళ్లు, కాలేజీల్లో చిన్నారులపై, యువతులపై అఘాయిత్యాలు జరుగుతున్నాయన్నారు. ఈ చట్టంతో మెరుగైన ఫలితాలు వస్తాయని భావిస్తున్నామని పోలీస్‌ కమిషనర్‌ తెలిపారు.