కన్ను తెరిచిన శివయ్య..భక్తులు షాక్..
విశాఖలోని గాజువాక వెళ్లే మార్గంలోని యాదవ జగ్గరాజుపేట సమీపంలోని దుర్గా నాగలింగేశ్వర స్వామి ఆలయంలో అద్భుతం జరిగింది. ఈ ఆలయంలోనే ఓ పెద్ద పుట్ట కూడా ఉంది. పుట్టకు ఆనుకొని శివుడు స్వయంభుగా వెలశాడు. సుబ్రహ్మణ్యస్వామి, నాగబంధం విగ్రహాలు కూడా ఉన్నాయి. అయితే ఈ రోజు ఎప్పుడూ దీక్షలో ఉన్నట్టుగా కళ్లు మూసినట్టు ఉన్న శివుడి విగ్రహంలో.. ఈరోజు ఓ కన్ను తెరిచి ఉన్నట్టు కనిపించింది. అక్కడ విగ్రహానికి విభూదితో అభిషేకం చేస్తున్నారు. ఈ సమయంలో శివుని కుడి కన్ను తెరిచి ఉన్నట్టు కనిపించింది. దీంతో అవాక్కైన అర్చకులు ఈ విషయాన్ని స్థానికులకు చెప్పారు. ఆ దృశ్యాన్ని చూసేందుకు భారీగా తరలివస్తున్నారు భక్తులు. శివయ్య కుడి కన్ను తెరవడం గ్రామానికి అదృష్టమని కొంతమంది చెబుతుంటే.. అరిష్టమని కొందరు ప్రచారం చేస్తున్నారు. అయితే.. విభూది అభిషేకం సమయంలో కంటి పై ఆకారం అలా ఏర్పడి ఉంటుందని మరికొందరు అంటున్నారు.
