నాకు రూ.30 వేల జీతం సరిపోకే..దొంగతనం చేశాను

ఇటీవల కాలంలో రజినీకాంత్ కూతురు ఐశ్వర్య ఇంట్లో దొంగతనం జరిగిన విషయం తెలిసిందే. కాగా దీనిపై ఆమె పోలీసులకు ఫిర్యాదు చేయగా..దర్యాప్తు ప్రారంభించిన పోలీసులు ఎట్టకేలకు దొంగను పట్టుకున్నారు. అయితే ఆ దొంగతనం చేసిన వ్యక్తి మరెవరో కాదు ఐశ్వర్య ఇంట్లో పనిమనిషి అని తేలింది. దీంతో పనిమనిషిని అరెస్ట్ చేసిన పోలీసులు విచారణ చేయగా ఆమె ఈ దొంగతనంపై ఆసక్తికర వ్యాఖ్యలు చేసింది. పోలీసుల విచారణలో పనిమనిషి తానే దొంగతనం చేసినట్లు ఒప్పుకుంది. ఈ క్రమంలోనే పోలీసులు ఆమెను ఎందుకు దొంగతనం చేశావని ప్రశ్నించగా ఆశ్చర్యపరిచే విధంగా సమాధానమిచ్చింది. అదేంటంటే నాతో వెట్టి చాకిరీ చేపించుకుంటున్న రజినీకాంత్ కూతురు ఐశ్వర్య నాకు కేవలం రూ.30 వేల రూపాయలు మాత్రమే జీతమిస్తున్నారు. అయితే ఆ జీతం నాకు ఏమాత్రం సరిపోవట్లేదని తెలిపింది.అందుకే ఈ దొంగతనానికి పాల్పడ్డానని చెప్పినట్లు తెలుస్తోంది. ముందుగా ఐశ్వర్య ఇంట్లో చిన్న చిన్న వాటిని దొంగిలించి..చివరకు బంగారు నగలు ఎత్తుకుపోయానని వెల్లడించింది.  అంతేకాకుండా ఐశ్వర్య ఇంట్లో దొంగిలించిన సొమ్ముతో ఆ పనిమనిషి ఇల్లు కూడా నిర్మించుకున్నట్లు పోలీసుల విచారణలో వెల్లడైంది.