ప్రభాస్.. ఇన్‌స్టా అకౌంట్ మిస్..!
ప్రభాస్ ఇన్‌స్టా అకౌంట్‌లో ఇబ్బందులు తలెత్తాయి. ప్రస్తుతం ఆయన అధికారిక ఇన్‌స్టా ఖతా కనిపించడం లేదు.
హైదరాబాద్: సామాజిక మాధ్యమాలను చాలా అరుదుగా వాడుతుంటారు నటుడు ప్రభాస్. కేవలం సినిమా ప్రమోషన్స్‌ కోసమే ఆయన ఫేస్‌బుక్, ఇన్‌స్టాగ్రామ్‌ అకౌంట్స్ ఉపయోగిస్తుంటారు. తాజాగా ఆయన ఇన్‌స్టా ఖాతా కనిపించడం లేదు.
ఇన్‌స్టాలో ప్రభాస్ పేరును సెర్చ్ చేస్తుంటే. ఈ పేజీ అందుబాటులో లేదు అనే సందేశం వస్తోంది. ఆయన ఖాతా హ్యాకింగ్‌కు గురైందా.. లేదా డి-యాక్టివేట్‌ చేశారా.. తెలియాల్సిఉంది. మరోవైపు.. ఈ విషయం పట్ల ఆయన అభిమానులు అసహనం వ్యక్తం చేస్తున్నారు. ఇదిలా ఉండగా, జులై నెలలో ఆయన ఫేస్‌బుక్ ఖాతా కూడా హ్యాక్‌కు గురైన సంగతి తెలిసిందే. మనుషులు దురదృష్టవంతులు అంటూ ఆనాడు హ్యాకర్లు ఓ వీడియో షేర్ చేశారు.
ఇక సినిమాల విషయానికి వస్తే.. ప్రభాస్ ప్రస్తుతం సలార్ పార్ట్ 1 సీజ్‌ఫైర్, కల్కి 2898 ఏడీ చిత్రాల్లో నటిస్తున్నారు. ప్రశాంత్‌నీల్ తీర్చిదిద్దుతోన్న సలార్ డిసెంబర్ నెలలో విడుదల కానుంది. వీటితోపాటు మారుతి డైరెక్షన్‌లో రాజా డీలక్స్‌, సందీప్ రెడ్డి వంగాతో స్పిరిట్ చిత్రాల్లో ప్రభాస్ నటించనున్నారు.
