దేశంలో కన్పిస్తున్న పాక్షిక సూర్యగ్రహణం

పాక్షిక సూర్యగ్రహణం, భారతదేశంలో లడఖ్‌లోని లేహ్ హన్లేలో ప్రారంభమైందని ఇండియన్ ఇన్‌స్టిట్యూట్ ఆఫ్ ఆస్ట్రోఫిజిక్స్ తెలిపింది. పంజాబ్‌లోని అమృత్‌సర్‌లో గ్రహణం కనిపించింది. యూరప్‌లోని చాలా ప్రాంతాలు, మధ్యప్రాచ్యం, ఆఫ్రికా, ఆసియాలోని పశ్చిమ ప్రాంతాలలో గ్రహణం కనిపించింది. ఐతే దేశంలోని అండమాన్, నికోబార్ ద్వీపం, ఇంఫాల్, ఐజ్వాల్, ఇటానగర్, కొహిమాతో సహా కొన్ని ఈశాన్య ప్రాంతాలలోని సూర్యగ్రహణం కన్పించదు. సూర్యాస్తమయం తర్వాత గ్రహణం కొనసాగుతున్నందున భారతదేశం నుండి గ్రహణం ముగింపు కనిపించదు. ముంబై, ఢిల్లీకి, గ్రహణం ప్రారంభం నుండి సూర్యాస్తమయం సమయం వరకు వరుసగా 1 గంట 19 నిమిషాలు, 1 గంట 13 నిమిషాలు. ఢిల్లీలో సాయంత్రం 4:29 గంటలకు గ్రహణం ప్రారంభం కాగా… ముంబైలో సాయంత్రం 4:49 గంటలకు గ్రహణం కనిపించింది. చెన్నైలో సాయంత్రం 5:14 గంటలకు ప్రారంభమయ్యే పాక్షిక గ్రహణం 31 నిమిషాల పాటు కొనసాగింది. బెంగళూరులోని ప్రజలు సాయంత్రం 5:12 గంటల నుంచి 43 నిమిషాల పాటు గ్రహణాన్ని వీక్షించారు. కోల్‌కతా సాయంత్రం 4:52 గంటలకు పాక్షిక గ్రహణం కన్పించింది.