మహారాష్ట్రలోనే కాదు… దేశమంతటా బీజేపీ పనైపోయింది… శివసేన పత్రిక సామ్నా గర్జన

మహారాష్ట్ర ఉపఎన్నికల ఫలితాలు, ఆ రాష్ట్రంలో బీజేపీ-ఎక్‌నాథ్ సర్కారు కూటమికి కాలం చెల్లినట్టుగా తీర్పిచ్చాయంది శివసేన (థాక్రే) మౌత్ పీస్ సామ్నా. కస్బా పేత్ అసెంబ్లీలో ఏకాభిప్రాయంతో ఎంవీఏ అభ్యర్థి చేతిలో బీజేపీ ఓడిపోవడంపై సామ్నా విరుచుకుపడింది. బీజేపీపై ప్రజల్లో నెలకొన్న తీవ్ర అసంతృప్తిని ఫలితాలు తెలియజేస్తోంది. ఇది కేవలం మహారాష్ట్రకు పరిమితమైనది కాదని… దేశవ్యాప్తంగా ఇవే ఫలితాలు వస్తాయంది. కస్బా పేత్ అసెంబ్లీ ఉపఎన్నిక ఫలితం మహారాష్ట్ర, దేశంలో కూడా భారతీయ జనతా పార్టీపై ప్రజల్లో తీవ్ర అసంతృప్తిని చూపుతోంది. జరుగుతున్నదంతా ఓటర్లకు తెలుసు. వారిని చుట్టుముట్టి బీజేపీకి వ్యతిరేకంగా ఓటు వేశారు. కస్బాలో ఉపఎన్నిక ఫలితంపై పుణే అంతటా సంబరాలు జరుపుకున్నారంది. ఈ వేడుక 2024 వరకు మహారాష్ట్రలోనే కాకుండా దేశవ్యాప్తంగా కూడా కొనసాగుతుందంది. కస్బా పేత్‌ విజయం ద్వారా బీజేపీ కంచుకోటను మహా వికాస్ అఘాడి బద్ధలు కొట్టిందంది. కస్బా పేత్ ఉపఎన్నికలో ఎంవీఏ-మద్దతుగల కాంగ్రెస్ అభ్యర్థి రవీంద్ర ధంగేకర్ 10,915 ఓట్లతో బీజేపీ అభ్యర్థి హేమంత్ రసానేపై విజయం సాధించారు. “బిజెపి ఎమ్మెల్యేలు ముక్తాతై తిలక్స క్ష్మణ్ జగ్తాప్ అకాల మరణం కారణంగా ఈ ఉపఎన్నికలు నిర్వహించవలసి వచ్చింది. ప్రతిష్టాత్మకమైన కస్బా సీటును కోల్పోయిన బిజెపి ఇప్పుడు అవమానాన్ని భరించవలసి వచ్చింది” అని సామ్నా సంపాదకీయం పేర్కొంది.

పూణేలోని చించ్‌వాడ్ అసెంబ్లీ స్థానానికి జరిగిన మరో ఉప ఎన్నికలో ఎంవీఏ ఓడిపోవడంపై, పోరాటం తర్వాతే బీజేపీ విజయం సాధించిందని సంపాదకీయం పేర్కొంది. “కస్బాలో, మహా వికాస్ అఘాడి అభ్యర్థి రవీంద్ర ధంగేకర్ బిజెపికి చెందిన హేమంత్ రస్నేపై 36 వేల ఆధిక్యం ఓడిపోయారు. అయితే చించ్వాడ్‌లో, దివంగత ఎమ్మెల్యే లక్ష్మణ్ జగ్తాప్ భార్య విపక్షాల ఓట్ల చీలికతో మాత్రమే విజయం సాధించారని సామ్నా అభిప్రాయపడింది. ఇక్కడ కూడా కస్బా‌పే‌త్ తరహాలో ఫేస్ టు ఫేస్ ఎన్నిక జరిగితే… ఎంవీఏ గెలిచేదంది. అధికారాన్ని చేజిక్కించుకోవడానికి కాసుల వర్షం కురిపించారంది. లేకుంటే ఇక్కడ బీజేపీ విజయం సాధించేది కాదంది. శివసేన (ఉద్ధవ్) చెందిన రాహుల్ తనాజీ స్వతంత్ర అభ్యర్థిగా బరిలో నిలిచి 44 వేలకు పైగా ఓట్లను పొందాడు. అంటే బీజేపీ విజయాల్లో అక్కడ శివసేన ఎంత ముఖ్యమో ఆలోచించుకోవాలంది. శివసైనికుల మద్దతు లేకుంటే రెండు నియోజకవర్గాలు బీజేపీ కంచుకోట.. చాలా కాలం క్రితమే కూలిపోయేదని సామ్నా రాసుకొచ్చింది. కస్బాపే‌త్ సీటును 28 ఏళ్లుగా ఆ బీజేపీ విజయం సాధిస్తోండటంతో… మహారాష్ట్రలో ఆ సీటు బీజేపీ కంచుకోటగా పరిగణించబడేది.

డిసెంబరు 2022లో క్యాన్సర్‌తో సుదీర్ఘ పోరాటం తర్వాత బీజేపీకి చెందిన ముక్తా తిలక్ మరణించిన తర్వాత కస్బాలో ఉప ఎన్నిక అనివార్యమైంది. ప్రస్తుతం పూణే నుంచి బీజేపీ ఎంపీగా ఉన్న గిరీష్ బాపట్ 2019 వరకు ఐదుసార్లు ప్రాతినిధ్యం వహించారు. కస్బాలో కాంగ్రెస్ విజయం ముఖ్యమైనది, ఎందుకంటే గత ఏడాది రాష్ట్రంలో గార్డు మారిన తర్వాత అధికార BJP-ఏక్‌నాథ్ షిండే నేతృత్వంలోని శివసేన, MVA మధ్య ఇది ​​మొదటి ప్రత్యక్ష పోటీ.