దివంగత ప్రధాని వాజపేయి మళ్లీ కళ్లముందుకు…
దివంగత ప్రధాని, భారత రత్న అటల్ బిహారీ వాజపేయిని మళ్లీ మన కళ్లముందుకు తీసుకురానుంది బాలీవుడ్. భారత దేశ ఆర్థికాభివృద్ధిలో ఆయన పాత్ర, దేశాన్ని గొప్పగా తీర్చిదిద్దాలనే తపన తెలియజేస్తూ వాజపేయ్ బయోపిక్‌ను రూపొందిస్తున్నారు. ఈ సందర్భంగా ఈ చిత్ర ట్రైలర్‌ను బుధవారం రిలీజ్ చేశారు మేకర్స్. భారత్‌లో విద్య, వైద్య,మౌలిక సదుపాయాలను అభివృద్ధికి ఆయన చేసిన కృషి ఎనలేనిది. నటుడు పంకజ్ త్రిపాఠి, వాజపేయ్‌గా నటిస్తున్నారు. ఈ చిత్రానికి “మే అటల్ హున్” అనే పెట్టారు. మూడు నిమిషాల నిడివి గల ఈ ట్రైలర్‌లో వాజపేయ్ లోక్‌సభకు ఎన్నికయినప్పడి నుండి ప్రధాని పదవిని చేపట్టిన విషయాలు, ఆయన దేశ,విదేశాలలో మాట్లాడిన మాటలు, ప్రతిపక్షనాయకునిగా వాదించిన తీరు ఒక గ్లింప్స్‌గా చూపించారు. ఈ చిత్రంలో ఆయన బాల్యం నుండి ప్రతీ విశేషాన్నీ తెరకెక్కించామని చిత్ర యూనిట్ తెలియజేసింది. ఈ బయోపిక్ మూడుమార్లు ప్రధాని పదవిని అలంకరించిన అటల్ బిహారీ వాజ్‌పేయి జీవితాన్ని కళ్లకు కట్టినట్టు చూపబోతుందని తెలియజేశారు. ఒక కవి, ఉపన్యాసకుడు, రచయిత, ప్రధానిగా ఆయన జీవితాన్ని ఆద్యంతం ఈ చిత్రంలో ఉందని ఈ ట్రైలర్ చూస్తే అర్థమవుతుంది.
