ఆస్తి కోసం కన్న త‌ల్లినే చంపేశాడు
నవమాసాలు మోసి, కనీ పెంచి ఇంత వాళ్ల వాళ్లను చేసిన తర్వాత కూడా ఆస్తి కోసం ఓ కొడుకు కన్నతల్లిని కడతేర్చాడు. ఈ ఘటన సంగారెడ్డి జిల్లాలో చోటు చేసుకుంది. కేవలం ఆస్తి కోసం తల్లితో గొడవపడిని ఓ 26 ఏళ్ల కొడుకు తల్లి అనే కనికరం లేకుండా కత్తితో విక్షణారహితంగా దాడి చేసి, ఆమె నిండు ప్రాణాలను బలిగొన్నాడు. ఈ ఘటన స్థానికంగా సంచలనం సృష్టించింది. కన్న కొడుకే ఆస్తి కోసం తల్లి పాలిట యముడైన ఈ ఘటన తీవ్ర చర్చనీయాంశంగా మారింది. సంగారెడ్డి జిల్లా తెల్లాపూర్ మున్సిపల్ పరిధిలోని డివినోస్ విల్లాస్ లో రాధిక కుంటుంబం నివాసం ఉంటోంది.ఆమె కుమారుడు కార్తీక్ రెడ్డి (26) మద్యానికి బానిసయ్యాడు. ఈ క్రమంలోనే ఆస్తి కోసం తరచూ కుటుంబ సభ్యులతో గొడవ పడుతుండేవాడు. సోమవారం తెల్లవారు జామున తల్లి రాధికతో ఆస్తి కోసం గొడవ పడిన కార్తీక్ విక్షణ కోల్పోయి కత్తితో దాడి చేశాడు. కొడుకు నుంచి ఊహించని ఈ పరిణామంతో ఆ తల్లి షాక్‌కు గురైంది. కార్తీక్ దాడిలో తీవ్రంగా గాయపడి, రక్తపు మడుగులతో ఉన్న రాధికను కుటుంబ సభ్యులు హుటాహుటిన నల్లగండ్ల లోని ఓ ప్రైవేట్‌ ఆస్పత్రికి తరలించారు. చికిత్స పొందుతూ రాధిక మృతి చెందింది. సమాచారం అందుకున్న పోలీసులు ఘటనా స్థలానికి చేరుకున్నారు. నిందితుడి కార్తీక్‌ను అదుపులోకి కేసు నమోదు చేసుకుని దర్యాప్తు చేపడుతున్నారు.
