గర్ల్ ఫ్రెండ్ మెప్పు కోసం సింహం బోనులోకి..
గర్ల్ ఫ్రెండ్ మెప్పు పొందేందుకు కెమెరా పట్టుకొని సింహాల బోనులోకి ఎంట్రీ ఇచ్చిన ఓ యువకుడు బలి అయ్యాడు. ఎఫ్.ఇరిస్కు లోవ్ అనే యువకుడు ఉజ్బెకిస్థాన్ లోని పార్కెంట్ జూలో జూ కీపర్ గా పని చేస్తున్నాడు. గర్ల్ ఫ్రెండ్ నుంచి మెప్పు పొందడానికి నైట్ షిఫ్ట్ లో వీడియో తీసేందుకు తాళం తెరిచి ఉన్న సింహం బోనులోకి వెళ్ళి ప్రశాంతంగా కూర్చున్న సింహాల వద్దకు వెళ్లాడు. తొలుత సింహాలు అతడిని ఏమీ అనకుండా పడుకొని ఉన్నాయి. ఓ సింహాన్ని సింబా అంటూ కదిలించాడు. చప్పుడు చేయకుండా ఉండు అంటూ ఆదేశాలిచ్చాడు. దీంతో సింహాలు రెచ్చిపోయి దాడి చేయడంతో ఇరిస్కులోవ్ మృత్యువాత పడ్డాడు. ఇదంతా సీసీ కెమెరాలో రికార్డయింది.
