“ఉస్తాద్ భగత్ సింగ్” పై హరీష్ శంకర్ స్పందన!

మాస్ డైరెక్టర్ హరీష్ శంకర్ ప్రస్తుతం తన తదుపరి చిత్రం విడుదల మిస్టర్ బచ్చన్ పోస్ట్ ప్రొడక్షన్ పనుల్లో బిజీగా ఉన్నారు. రవితేజ, భాగ్యశ్రీ బోర్సే ప్రధాన పాత్రల్లో నటించిన ఈ చిత్రం అజయ్ దేవగణ్ సూపర్ హిట్ రైడ్ అధికారిక రీమేక్. ఇది కాకుండా పవర్ స్టార్ పవన్ కళ్యాణ్‌తో ఉస్తాద్ భగత్ సింగ్ సినిమా కూడా హరీష్ చేతిలో ఉంది. మిస్టర్ బచ్చన్ ప్రమోషన్స్ సందర్భంగా హరీష్, పవన్‌తో తన సినిమా గురించి ప్రకటన చేశాడు.

హరీష్ శంకర్ మాట్లాడుతూ, పవన్ కళ్యాణ్ అభిమానులకు ఉస్తాద్ భగత్ సింగ్ చిరకాల జ్ఞాపకాలను అందజేస్తుంది. క్యాసెట్లు, డీవీడీలు ఎలా భద్రపరుస్తామో అలాగే ఈ సినిమా కూడా అభిమానుల హృదయాల్లో స్థానం పొందుతుంది. ఉస్తాద్ భగత్ సింగ్ అభిమానులకు ఎప్పటికీ ప్రత్యేక చిత్రంగా నిలిచిపోతుంది. పవన్ కళ్యాణ్ సినిమా నుండి ప్రేక్షకులు ఆశించే అన్ని అంశాలు ఇందులో ఉంటాయి అని అన్నారు. శ్రీలీల ఇందులో కథానాయికగా నటిస్తుంది. నవీన్ యెర్నేని, రవిశంకర్‌లు భారీ చిత్రాన్ని నిర్మిస్తున్నారు. దర్శకుడు దశరధ్ స్క్రీన్ ప్లే రాస్తున్నారు. అశుతోష్ రానా, గౌతమి, నాగ మహేష్, టెంపర్ వంశీ, కేజీఎఫ్ ఫేమ్ అవినాష్ ఇతర కీలక పాత్రలు పోషిస్తున్నారు. దేవిశ్రీ ప్రసాద్ బాణీలు సమకూరుస్తున్నారు.