చైనాలో భూకంపం

చైనాలో ఇవాళ తెల్లవారుజామున భూకంపం సంభవించింది. రికార్డు స్కేలుపై తీవ్రత 4.5గా నమోదైంది. యూఎస్ జియోలాజికల్ సర్వే ప్రకారం ఉదయం 6:30 గంటలకు ఈ ఘటన జరిగింది. భూకంపం 10 కిలోమీటర్ల లోతులో సంభవించినట్లు తెలుస్తోంది. ఒక్కసారిగా ప్రకంపనలు రావటం తో కొన్ని ప్రాంతాల్లోని ప్రజలు భయపడి ఇళ్లలో నుంచి బయటకి పరుగులు తీశారు. అయితే ఈ ఘటనలో ఎలాంటి ప్రాణ, ఆస్తి నష్టం జరగలేదు. చైనాలోని యునాన్ ప్రావిన్స్ తరచుగా భూకంపాలు సంభవిస్తుంటాయి. ఇవాళ తెల్లవారుజామున అఫ్ఘానిస్తాన్ లో కూడా భూకంపం సంభవించగా రికార్డు స్కేలుపై తీవ్రత 4గా నమోదైనట్టు తెలుస్తోంది.