బెలూన్ ఊదుతూ మృతి చెందిన చిన్నారి

బెలూన్ నోట్లో పేలిపోవడం వల్ల ఓ 8 ఏళ్ల బాలిక మరణించింది. బెలూన్​కు గాలిని ఊదుతుండగా అకస్మాత్తుగా పేలిపోయింది. బెలూన్​లోని ఓ ముక్క చిన్నారి గొంతులో ఇరుక్కుపోవడం వల్ల ఊపిరాడక ప్రాణాలు విడిచింది. ఈ విషాద ఘటన మహారాష్ట్రలో జరిగింది. సరదాగా ఆడుకుంటున్న బాలిక మరణించడం వల్ల ఆమె కుటుంబ సభ్యులు, స్నేహితులు షాక్​కు గురయ్యారు. ధూలే నగరంలోని యశ్వంత్ నగర్​లోని సక్రి రోడ్‌ సమీపంలో డింపుల్ మనోహర్ వాంఖడే అనే బాలిక ఈ ఘటనలో ప్రాణాలు విడిచింది. పిల్లలతో కలిసి సరదాగా బెలూన్లను ఊదుతుండగా ఈ ప్రమాదం జరిగింది. చిన్నారి స్పృహతప్పి పడిపోయిన విషయాన్ని తోటి స్నేహితులు ఆమె కుటుంబ సభ్యులకు చెప్పారు. హుటాహుటినవారు ఓ ప్రైవేట్ వాహనంలో బాలికను జిల్లా ఆస్పత్రికి తీసుకెళ్లారు. చిన్నారిని పరీక్షించిన వైద్యులు, ఆమె అప్పటికే మరణించినట్లు ధ్రువీకరించారు.