బాలీవుడ్ యాక్టర్ కిడ్నాప్

వెల్కం, స్ట్రీట్-2 సినిమాల్లో ప్రధాన పాత్రలు పోషించిన నటుడు ముస్తాక్ ఖాన్ ను దుండగులు కిడ్నాప్ చేశారు. గత నెల 20న జరిగిన ఈ ఘటన ఆలస్యంగా వెలుగులోకి వచ్చింది. అయితే, ఓ అవార్ట్ ఫంక్షన్ లో పాల్గొనేందుకు మీరట్ వెళ్లేందుకు ముస్తాక్ ఖాన్ సిద్ధమయ్యాడని అతడి బిజినెస్ పార్టనర్ శివమ్ తెలిపాడు. ఢిల్లీ ఎయిర్ పోర్టుకు చేరుకోగానే కొందరు ముస్తాక్ కు కారులో బలవంతంగా ఎక్కించారని వెల్లడించాడు. అనంతరం కిడ్నాపర్లు నేరుగా ఢిల్లీ శివారుకు చిత్రహింసలకు గురి చేశారని, అదేవిధంగా కోటి రూపాయలు డిమాండ్ చేశారని తెలిపాడు. ముస్తాక్ ఖాన్, అతడి బ్యాంక్ ఖాతాల నుంచి సుమారు 2 లక్షల రూపాయల వరకు నగదును కాజేశారని అన్నారు. మరుసటి రోజు తెల్లవారుజామున ముస్తాక్ తెలివిగా కిడ్నాపర్ల చెర నుంచి బయటపడ్డాడని శివమ్ వెల్లడించాడు. ఇప్పటికే బిజ్నోర్ పోలీస్ స్టేషన్ లో ఫిర్యాదు చేశామని, పోలీసులు నిందితుల కోసం గాలిస్తున్నారని పేర్కొన్నాడు.