నన్నే బిర్యానీ డబ్బులు అడుగుతావా..?
బిర్యానీ డబ్బులు అడిగారని హోటల్ సిబ్బందిపై ఓ దుండగుడు దాడి చేశారు. ఈ ఘటన హైదరాబాద్ – లాలాగూడ లోని సూపర్ స్టార్ హోటల్ లో జరిగింది. రాడ్డుతో హోటల్ సిబ్బందిపై దాడి చేసి, ఫర్నిచర్ ధ్వంసం చేశాడు దుండగుడు. హోటల్ సిబ్బందికి తీవ్ర గాయాలవడంతో ఆసుపత్రికి తరలించారు. ప్రతి రోజు తనకు బిర్యానీ ఇవ్వాలని బెదిరిస్తున్నాడని, ఇవ్వకపోతే దాడులకు దిగుతున్నాడని హోటల్ యాజమాని పోలీసులకు ఫిర్యాదు చేశాడు. కేసు నమోదు చేసి లాలాగూడ పోలీసులు దర్యాప్తు చేస్తున్నారు.
