ఈమధ్య కాలంలో అనేకమంది సడన్‌గా గుండెపోటుకు గురవుతున్నారు. ఇటీవల చిన్నవయసులోనే నటుడు రాజేంద్రప్రసాద్ కుమార్తె ఇలాగే గుండెపోటుతో మరణించారు. అయితే హార్ట్ ఎటాక్, కార్డియాక్ ఎటాక్ రెండూ ఒకటేనా? లేదా తేడాలున్నాయా? అని చాలామందికి తెలియదు. అయితే ఈ రెండూ ఒకటే కాదంటున్నారు వైద్యులు. హార్ట్ ఎటాక్ వచ్చినట్లు రోగికి తెలుస్తుంది. భుజం, చెస్ట్ నొప్పి, శ్వాస ఆడకపోవడం, అలసట, యాంగ్జైటీ, వికారం వంటి లక్షణాలు హార్ట్ ఎటాక్ లక్షణాలు. ఈ లక్షణాలు కనిపిస్తే ఆసుపత్రికి తీసుకెళితే వారిని కాపాడే సమయం ఉంటుంది. అయితే దీనికంటే కార్డియాక్ అటాక్ చాలా ప్రమాదకరమైనది. ఉన్నట్టుండి హార్ట్ బీట్ ఆగిపోయి, రక్తం ఇతర అవయవాలకు పంప్ చేయలేకపోతే దానిని కార్డియాక్ ఎటాక్ అంటారు. ఈ ఎటాక్ వల్ల తల తిరిగినట్లనిపించి కిందపడిపోతారు. స్పృహ కోల్పోయి, శ్వాస ఆగిపోవడం, హార్ట్ బీట్ ఆగిపోవడం జరుగుతుంది.