తెలంగాణా స్టేట్ ప్లానింగ్ బోర్డు వైస్ చైర్మన్ గా డా.జి. చిన్నా రెడ్డి

రాష్ట్ర ప్రణాళికా మండలి ఉపాధ్యక్షుడిగా మాజీ మంత్రి, కాంగ్రెస్ సీనియర్ నేత జి. చిన్నారెడ్డిని తెలంగాణ ప్రభుత్వం శనివారం నియమించింది. ప్రకటన ఈ మేరకు రాష్ట్ర ప్రభుత్వ ప్రధాన కార్యదర్శి శాంతి కుమారి ఉత్తర్వులు జారీ చేశారు. తెలంగాణ రాష్ట్ర ప్రణాళికా మండలి వైస్‌ ఛైర్మన్‌గా మాజీ మంత్రి డాక్టర్‌ జి చిన్నారెడ్డిని ప్రభుత్వం వెంటనే కేబినెట్‌ మంత్రి హోదాలో నియమిస్తున్నట్లు జీవోలో పేర్కొన్నారు. యూనివర్శిటీ పెర్టానియన్ మలేషియా నుండి వ్యవసాయం… బయోమెట్రీ, మొక్కల పెంపకం, ఎల్‌ఎల్‌బిలో పిహెచ్‌డి చేసిన చిన్నా రెడ్డి నాలుగు పర్యాయాలు ఎమ్మెల్యేగా ఉన్నారు. అవిభక్త ఆంధ్రప్రదేశ్‌లో గ్రామీణాభివృద్ధి శాఖ మంత్రిగా పనిచేసిన చిన్నారెడ్డి 1977లో యువజన కాంగ్రెస్‌లో చేరినప్పటి నుంచి కాంగ్రెస్‌లో పలు పదవులు నిర్వహించారు.