YCP నేత కారుమూరు వెంకటరెడ్డి అరెస్టు
వైఎస్సార్ కాంగ్రెస్ పార్టీ అధికార ప్రతినిధి కారుమూరు వెంకటరెడ్డిను పోలీసులు ఈ రోజు అనగా మంగళవారం ఉదయం అరెస్టు చేశారు. కూకట్‌పల్లిలోని ఆయన నివాసంలో ఉదయం 7 గంటల సమయంలో పోలీసులు అకస్మాత్తుగా వెళ్లి అరెస్ట్ చేసినట్లు కుటుంబ సభ్యులు తెలిపారు.
అరెస్టు ప్రక్రియలో పోలీసులు నోటీసులు ఇవ్వకుండా, ఇంట్లో ఉన్నవారిని భయభ్రాంతులకు గురిచేశారని ఆయన భార్య ఆరోపించారు. అలాగే ఫోన్లు లాక్కొని, కుటుంబంతో అనుచితంగా ప్రవర్తించారని ఆమె విమర్శించారు. అరెస్టు తర్వాత వెంకటరెడ్డిని తాడిపత్రి వైపుకు తరలించినట్లు సమాచారం.
ఈ విషయం తెలుసుకున్న స్థానిక YCP నాయకులు ఆయన ఇంటికి వెళ్లి కుటుంబ సభ్యులను పరామర్శించారు. అరెస్టు నేపథ్యం, ఆయనపై నమోదైన కేసుల వివరాలు ఇంకా అధికారికంగా వెల్లడికావాల్సి ఉంది.
