వరల్డ్ నెంబర్ 1 స్టూడెంట్‌గా అమెరికా- భారతీయ విద్యార్థిని

ప్రపంచంలోని ప్రకాశవంతమైన జాబితాలో చోటు
నటాషా పెరియనాయగం తల్లిదండ్రులు చెన్నై వాస్తవ్యులు
జాన్స్ హాప్కిన్స్ సెంటర్ టెస్టులో విజేతగా ఖ్యాతి
2021-22 టాలెంట్ సెర్చ్ ఇయర్‌లో విన్నర్
పోటీలో 76 దేశాల నుండి 15,300 మంది విద్యార్థులు

“ప్రపంచంలోని అత్యంత ప్రకాశవంతమైన” విద్యార్థుల జాబితాలో భారతీయ విద్యార్థిని 13 ఏళ్ల నటాషా పెరియనాయగం విజేతగా నిలిచింది. US-ఆధారిత జాన్స్ హాప్‌కిన్స్ సెంటర్ ఫర్ టాలెంటెడ్ యూత్ ద్వారా వరుసగా రెండో సంవత్సరం ఈ టెస్ట్ నిర్వహించింది. నటాషా పెరియనాయగం 76 దేశాల్లోని 15,000 మందిపైగా పాల్గొన్న పోటీలో మేటిగా నిలిచింది. న్యూజెర్సీలోని ఫ్లోరెన్స్ ఎం గౌడినీర్ మిడిల్ స్కూల్‌లో చదువుకుంటోంది. గ్రేడ్ 5 విద్యార్థిగా ఉన్నప్పుడు 2021లో జాన్స్ హాప్‌కిన్స్ సెంటర్ ఫర్ టాలెంటెడ్ యూత్ (CTY) పరీక్షకు కూడా హాజరయ్యింది. వెర్బల్, క్వాంటిటేటివ్ విభాగాల్లో ఫలితాలు అడ్వాన్స్‌డ్ గ్రేడ్ 8 పనితీరులో 90 శాతం మార్కులు సాధించింది. ఇది ఆమెను ఆ సంవత్సరం ఆ జాబితాలో చేర్చింది. తాజాగా ఆమె SAT, ACT, స్కూల్, కాలేజ్ ఎబిలిటీ టెస్ట్ లేదా CTY టాలెంట్ సెర్చ్‌ అసెస్‌మెంట్‌లలో అసాధారణమైన ప్రదర్శనకు ఆమెను సత్కరించినట్లు విశ్వవిద్యాలయం తెలిపింది. ఆమె తల్లిదండ్రులు చెన్నైకి చెందినవారు.

పెరియనాయగం మాట్లాడుతూ, ఖాళీ సమయంలో JRR టోల్కీన్ నవలలు చదవడం తనకు ఇష్టమంది. సెంటర్ ఫర్ టాలెంటెడ్ యూత్ CTY ప్రపంచవ్యాప్తంగా ఉన్న అధునాతన విద్యార్థులను గుర్తించడానికి, వారి విద్యా సామర్థ్యాల స్పష్టమైన చిత్రాన్ని అందించడానికి ఉన్నత స్థాయిలో పరీక్షలు నిర్వహిస్తుంది. యూనివర్సిటీ ప్రకారం, 2021-22 టాలెంట్ సెర్చ్ ఇయర్‌లో CTYలో చేరిన 76 దేశాల నుండి 15,300 మంది విద్యార్థులలో పెరియనాయగం ఒకరు. 27 శాతం కంటే తక్కువ మంది CTY వేడుకకు అర్హత సాధించారు, వారి పరీక్ష స్కోర్‌ల ఆధారంగా గొప్ప గౌరవం పొందుతారు. తాజా ప్రయత్నంలో, పెరియనాయగం అభ్యర్థులందరిలో అత్యధిక గ్రేడ్‌ సాధించారు. “ఇది కేవలం ఒక పరీక్షలో మా విద్యార్థులు సాధించిన విజయానికి గుర్తింపు మాత్రమే కాదు, వారి ఆవిష్కరణ, అభ్యాసం, వారి ప్రేమకు , చిన్న వయస్సులో వారు ఇప్పటివరకు సేకరించిన జ్ఞానానికి వందనం” అని CTY యొక్క ఎగ్జిక్యూటివ్ డైరెక్టర్ డాక్టర్ అమీ షెల్టాన్ అన్నారు.