రామ్‌చరణ్, క్లిన్‌కారాతో ఉపాసన కృష్ణాష్టమి వేడుకలు
రామ్ చరణ్, భార్య ఉపాసన కామినేని వారి కుమార్తె క్లిన్‌కార కొణిదెలతో కలిసి కృష్ణ జన్మాష్టమి పూజలు చేశారు. ఆమె తన ఇన్‌స్టాగ్రామ్ స్టోరీస్‌లో వారి వేడుకల గురించి ఫొటోలు పెట్టారు. రామ్ చరణ్, ఉపాసన, క్లిన్‌కారా ఆగస్టు 26న జన్మాష్టమిని జరుపుకున్నారు. ఉపాసన పూజా కార్యక్రమం నుండి ఫొటోలను షేర్ చేశారు. రామ్‌చరణ్ తదుపరి సినిమా ‘గేమ్ ఛేంజర్’లో కనబడనున్నారు.
ఉపాసన తన ఇన్‌స్టాగ్రామ్ స్టోరీస్‌లో పూజా వేడుకల ఫొటోలను షేర్ చేశారు. పూజా కార్యక్రమం కోసం, తల్లి – కూతురు ఇద్దరు నీలిరంగు దుస్తులలోను, రామ్ చరణ్ తల్లి, చిరంజీవి భార్య సురేఖ కూడా చిన్న కారాను ఆమె ఎత్తుకుని ముద్దాడారు. ఫొటోలో, ఉపాసన, క్లింకార దేవుడి ముందు కూర్చుని ప్రార్థనలు, పూజ చేశారు. ఇటీవల, రామ్‌చరణ్, కుటుంబం, చిరంజీవి, సురేఖతో కలిసి ఒలింపిక్స్ 2024 కోసం పారిస్‌కు వెళ్లిరావడం మనందరికీ తెలిసిందే. ‘RRR’ నటుడు ఒక ఫొటోను షేర్ చేసి, “క్లిన్‌కారా తన తాత, మామలతో కలిసి చేసిన ఫస్ట్ జర్నీ!!! మెమరబుల్ అన్నారు. రామ్‌చరణ్, చిరంజీవి, కుటుంబం వారితో కలిసి ఒలింపిక్ గ్రామాన్ని సందర్శించిన బ్యాడ్మింటన్ క్రీడాకారిణి, పివి సింధుతో కొంత సమయాన్ని గడిపారు.
వర్క్ ఫ్రంట్‌లో, రామ్‌చరణ్ దర్శకుడు శంకర్ ‘గేమ్ ఛేంజర్’ షూటింగ్‌ను ముగించారు. ఈ చిత్రాన్ని 2024 క్రిస్మస్ సందర్భంగా థియేటర్లలో విడుదల చేయాలని ప్లాన్ చేస్తున్నారు. దర్శకుడు బుచ్చి బాబు సానా రాబోయే చిత్రం షూటింగ్‌ను కూడా మొదలు పెట్టనున్నారు.
