ట్రైనీ డాక్టర్ పై గ్యాంగ్ రేప్ జరగలేదు..
కోల్ కతా ట్రైనీ డాక్టర్ పై జరిగిన హత్యాచారం కేసులో సీబీఐ సంచలన విషయం వెల్లడించింది. హత్యాచార ఘటనలో గ్యాంగ్ రేప్ జరిగిన దాఖలాలు లేవని సీబీఐ వర్గాలు తెలిపాయి. ఆ వైద్యురాలిపై గ్యాంగ్ రేప్ గతంలో జరిగిందని వార్తలు వచ్చాయి. అయితే ఆ వార్తల్లో వాస్తవం లేదని తమ విచారణలో సీబీఐ గుర్తించినట్లు సంబంధిత వర్గాలు వెల్లడించాయి. నిందితుడు సంజయ్ రాయ్ ఒక్కడే ఈ దారుణానికి ఒడిగట్టాడని నిర్ధారించినట్లు పేర్కొన్నాయి. అలాగే దర్యాప్తు తుదిదశకు చేరుకుందని, త్వరలో కోర్టులో అభియోగాలు దాఖలు చేయనుందని తెలిపాయి.
