ఉపాధి హామీ పథకంపై కేంద్రం కుట్ర

జాతీయ ఉపాధి హామీ పథకం నుండి మహాత్మా గాంధీ పేరును తొలగించేందుకు కేంద్ర ప్రభుత్వం కుట్ర చేస్తోందని టీపీసీసీ అధ్యక్షుడు మహేశ్ కుమార్ గౌడ్ విమర్శించారు. ఏఐసీసీ పిలుపు మేరకు, ఈ నెల 17న తెలంగాణలోని అన్ని జిల్లా కేంద్రాల్లో గాంధీ చిత్రపటాలతో భారీ నిరసన కార్యక్రమాలు చేపట్టాలని ఆయన పార్టీ శ్రేణులకు పిలుపునిచ్చారు. కాంగ్రెస్ హయాంలో గ్రామీణ పేదల కోసం ఎంతో ప్రతిష్టాత్మకంగా తెచ్చిన ఈ పథకాన్ని నీరుగార్చేందుకు బీజేపీ ప్రయత్నిస్తోందని ఆరోపించారు. అలాగే, డిసెంబర్ 28న కాంగ్రెస్ ఆవిర్భావ దినోత్సవం సందర్భంగా గ్రామాలు, మండలాల్లో కూడా ప్రత్యేక కార్యక్రమాలు నిర్వహించాలని, సామాజిక న్యాయం పట్ల కాంగ్రెస్ చిత్తశుద్ధిని ప్రజలకు వివరించాలని ఆయన కోరారు.