టెట్ హాల్ టికెట్లు రిలీజ్

టీచర్ ఎలిజిబిలిటీ టెస్ట్ (టెట్) హాల్ టికెట్లు రిలీజ్ అయ్యాయి. జనవరి 2 నుంచి 20 వరకు జరగనున్న ఈ పరీక్షలకు సంబంధించిన హాల్ టికెట్లను ఇవాళ అధికారులు విడుదల చేశారు. అభ్యర్థులు వారి హాల్ టికెట్లను అధికారిక వెబ్ సైట్ https://tgtet2024.aptonline.in/tgte/లో డౌన్లోడ్ చేసుకోవచ్చు. ఈ పరీక్షలకు 2,48,172 మంది దరఖాస్తు చేసుకున్నారు. విద్యాశాఖ ఇప్పటికే ప్రకటించిన షెడ్యూల్ ప్రకారం.. 2025 జనవరి 8, 9, 10, 18 తేదీల్లో టెట్ పేపర్-1, జనవరి 2, 5, 11, 12, 19, 20 తేదీల్లో పేపర్ -2 పరీక్షలు నిర్వహిస్తారు. రెండు సెషన్లుగా ఉదయం 9 గంటల నుంచి 11.30 గంటల వరకు, మధ్యాహ్నం 2 గంటల నుంచి 4.30 గంటల వరకు ఈ పరీక్షలు జరగనున్నాయి.