రోడ్డుపై బైఠాయించిన తెలంగాణా విద్యాశాఖ మంత్రి

ఇటీవల కాలంలో టీపీసీసీ చీఫ్ రేవంత్ రెడ్డి రైతులకు ప్రభుత్వం అందిస్తున్న ఉచిత కరెంటుపై చేసిన వ్యాఖ్యలు రాష్ట్రవ్యాప్తంగా వివాదాస్పదమయిన విషయం తెలిసిందే. దీంతో తెలంగాణాలోని బీఆర్ఎస్ నాయకులు రేవంత్ రెడ్డిపై తీవ్రస్థాయిలో మండిపడ్డారు. ఈ నేపథ్యంలో బీఆర్ఎస్ నేతలు,కార్యకర్తలు హైదరాబాద్ మహేశ్వరం నియోజకవర్గం పరిధిలో పెద్ద ఎత్తున ఆందోళనలు చేపట్టారు. అయితే ఈ ఆందోళనల్లో తెలంగాణా విద్యాశాఖ మంత్రి సబితా ఇంద్రారెడ్డి పాల్గొన్నారు. కాగా ఆమె ఈ ఆందోళనల్లో భాగంగా బీఆర్ఎస్ నేతలు,కార్యకర్తలతో కలిసి రోడ్డుపై బైఠాయించి నిరసన తెలిపారు. అనంతరం రేవంత్ రెడ్డి దిష్టి బొమ్మను దహనం చేశారు. తెలంగాణాలో సీఎం కేసీఆర్ రైతులకు 24 గంటల కరెంటు అందిస్తున్నారు. అయితే రేవంత్ రెడ్డి దాన్ని ఎత్తివేసి 3 గంటలు కరెంటు ఇస్తామనడం సిగ్గుచేటన్నారు.