ఇలాగే వ్యవహరిస్తే ఒంటరై పోతారు, ప్రధాని మోదీకి తమిళనాడు సీఎం స్టాలిన్ హెచ్చరిక
తమిళనాడు ముఖ్యమంత్రి ఎంకే స్టాలిన్ బుధవారం ప్రధాని నరేంద్ర మోడీని హెచ్చరించారు. పాలనపై దృష్టి పెట్టకుండా ప్రత్యర్థులను లక్ష్యంగా చేసుకుంటే “ఒంటరి” అవుతారంటూ దుయ్యబట్టారు. “ఎన్నికలు ముగిశాయి… ఇప్పుడు మనం దేశం గురించి ఆలోచించాలి. బడ్జెట్ 2024 మీ పాలనను కాపాడుతుంది.. కానీ దేశాన్ని రక్షించదు. ప్రభుత్వాన్ని నిష్పక్షపాతంగా నడపండి.. లేకపోతే మీరు ఒంటరి అవుతారు.” “మిమ్మల్ని ఓడించిన వారి పట్ల ఇంకా ప్రతీకారం తీర్చుకోవద్దు.. మీ రాజకీయ ఇష్టాలు, అయిష్టాల ప్రకారం మీరు పాలించినట్లయితే మీరు ఒంటరిగా మిగులుతారు” అంటూ Xలో స్టాలిన్ పోస్ట్ చేశారు. 2024 కేంద్ర బడ్జెట్ – మోడీ 3.0 ప్రభుత్వంలో మొదటిది. బిజెపియేతర పార్టీలు పాలించే రాష్ట్రాలను విస్మరించిందంటూ విమర్శలు రేగుతున్న సమయంలో తమిళనాడు సీఎం బడ్జెట్ పై నిప్పులు చెరిగారు.
ఉదాహరణకు, తమిళనాడు ప్రభుత్వం, చెన్నై మెట్రో రైలు రెండో దశ, కోయంబత్తూరులో అభివృద్ధి, మౌలిక సదుపాయాల ప్రాజెక్టులకు ఎటువంటి కేటాయింపులు చేయలేదని పేర్కొంది. చెన్నై, దక్షిణాది జిల్లాల్లో వరద బాధిత ప్రాంతాల పునరుద్ధరణకు నిధుల కోసం ఎలాంటి కేటాయింపులు చేయలేదంది. రాష్ట్రం ₹ 37,000 కోట్లు అడిగితే ఇప్పటివరకు ₹ 276 కోట్లు మాత్రమే కేంద్రం ఇచ్చింది. రాష్ట్రానికి ప్రత్యేక ప్రాజెక్టుల ప్రస్తావన కూడా లేదంటూ మండిపడింది. మొన్నటి వరకు బీజేపీతో పొత్తు పెట్టుకున్న అన్నాడీఎంకే సైతం ఇదే అభిప్రాయాన్ని వ్యక్తం చేసింది. డీఎంకే అధికార ప్రతినిధి ఏ శరవణన్, తమిళనాడు “బీహార్ కంటే 10 రెట్లు భారత ఆర్థిక వ్యవస్థకు ఎక్కువ పన్ను విరాళం ఇస్తోంది… మేమే అతిపెద్ద పన్ను కంట్రిబ్యూటర్” అని పేర్కొన్నారు.
మరోవైపు బీజేపీ విమర్శలపై ఆ పార్టీ తమిళనాడు చీఫ్ తీవ్రంగా మండిపడ్డారు. తమిళనాడు సీఎం ఎంకే స్టాలిన్ నీతి అయోగ్ సమావేశాన్ని బహిష్కరించడం హాస్యాస్పదంగా ఉందన్నారు. కాంగ్రెస్ నేతృత్వంలోని UPA ప్రభుత్వం సమర్పించిన 10 బడ్జెట్‌లలో ఆరింటిలో తమిళనాడు ప్రస్తావన లేదని ఆయన పేర్కొన్నారు. “ముఖ్యమంత్రి స్టాలిన్ కేంద్ర బడ్జెట్‌లో మినహా ఇతర రాష్ట్రాలకు సంక్షేమ పథకాలు అందుబాటులోకి రావని ముద్ర వేయడానికి ప్రయత్నిస్తున్నారు.” మరి కాంగ్రెస్‌తో డీఎంకే పదేళ్లు పొత్తు పెట్టుకున్నప్పుడు, ఆరేళ్లుగా దాఖలు చేసిన బడ్జెట్‌లలో తమిళనాడు కనిపించలేదు. ఆ సమయంలో తమిళనాడుకు కేంద్రం ఎలాంటి కార్యక్రమాలు చేపట్టలేదని చెబుతారా? అంటూ మండిపడ్డారు. నిర్మలా సీతారామన్ ప్రసంగంలో బీహార్, ఆంధ్రప్రదేశ్‌లకు ప్యాకేజీలు ప్రకటించడంపై విపక్షాలు మండిపడుతున్నారు. బడ్జెట్‌కు ముందు తమ రాష్ట్రాలకు ప్రత్యేక హోదా ఇవ్వాలని జేడీయూ, టీడీపీలు డిమాండ్ చేశాయి. ఐతే రెండు డిమాండ్లను కేంద్రం తిరస్కరించింది.
