ఓవర్‌కు ఏడు సిక్సులు… నమ్మాల్సిందే…
ఒకే ఓవర్లో ఏడు సిక్సర్లతో చరిత్ర సృష్టించాడో భారతీయుడు. మహారాష్ట్ర కెప్టెన్ రుతురాజ్ గైక్వాడ్ సోమవారం అహ్మదాబాద్‌లోని నరేంద్ర మోడీ స్టేడియం, బి గ్రౌండ్‌లో విజయ్ హజారే ట్రోఫీ మ్యాచ్‌లో పరిమిత ఓవర్ల క్రికెట్‌లో ఒకే ఓవర్లో ఏడు సిక్సర్లు, 43 పరుగులు చేసిన మొదటి బ్యాట్స్‌మెన్‌గా చరిత్ర సృష్టించాడు. ఉత్తరప్రదేశ్‌తో జరిగిన విజయ్ హజారే ట్రోఫీ క్వార్టర్ ఫైనల్ మ్యాచ్‌లో గైక్వాడ్ ఒక ఓవర్లో ఏడు సిక్సర్లు బాదాడు.రుతురాజ్ గైక్వాడ్ ఐపిఎల్‌లో చెన్నై సూపర్ కింగ్స్‌కు ఆడుతున్నప్పుడు ఎటాకింగ్ బ్యాటర్‌గా గుర్తింపు పొందాడు. ఒకే ఓవర్లో 43 పరుగుల ప్రపంచ రికార్డు స్కోరు నమోదు చేశాడు. 159 బంతుల్లో 16 సిక్సర్లు, 10 ఫోర్లతో సహా 220 పరుగుల భారీ స్కోరును పూర్తి చేసిన గైక్వాడ్ 6-6-6(నో-బాల్)-6-6-6-తో శివ సింగ్ బౌలింగ్‌ను చితక్కొట్టాడు.
6⃣,6⃣,6⃣,6⃣,6⃣nb,6⃣,6⃣
Ruturaj Gaikwad smashes 4⃣3⃣ runs in one over! 🔥🔥
Follow the match ▶️ https://t.co/cIJsS7QVxK…#MAHvUP | #VijayHazareTrophy | #QF2 | @mastercardindia pic.twitter.com/j0CvsWZeES
— BCCI Domestic (@BCCIdomestic) November 28, 2022
ఒక ఓవర్లో వరుసగా ఆరు సిక్సర్లు బాదిన సర్ గార్ఫీల్డ్ సోబర్స్, రవిశాస్త్రి, హెర్షెల్ గిబ్స్, యువరాజ్ సింగ్, రాస్ వైట్‌లీ, హజ్త్రతుల్లా జజాయ్, లియో కార్టర్, కీరన్ పొలార్డ్, తిసారా పెరీరాల జాబితాలో రుతురాజ్ చేరాడు. అహ్మదాబాద్‌లో జరిగిన దేశీయ 50 ఓవర్ల టోర్నమెంట్ విజయ్ హజారే ట్రోఫీ రెండో క్వార్టర్ ఫైనల్‌లో చెన్నై సూపర్ కింగ్స్ బ్యాటర్ శివ సింగ్‌ను వరుసగా ఏడు సిక్సర్లతో కొట్టాడు. ఆ ఓవర్ బంతుల్లో ఒకటి నో బాల్, దానిపై గైక్వాడ్ సిక్సర్ కొట్టాడు. అతని ఇన్నింగ్స్ ఆధారంగా మహారాష్ట్ర 50 ఓవర్లలో ఐదు వికెట్లకు 330 పరుగులు చేసింది. గైక్వాడ్ 159 బంతుల్లో 16 సిక్సర్లు, పది ఫోర్లతో 220 పరుగులు చేయడంతో తొలుత బ్యాటింగ్ చేసిన మహారాష్ట్ర 50 ఓవర్లలో 330/5 పరుగులు చేసింది. లిస్ట్ A క్రికెట్‌లో గైక్వాడ్‌కు ఇది మొదటి డబుల్ సెంచరీ. 25 ఏళ్ల గైక్వాడ్ 42 పరుగులతో ఒకే ఓవర్లో అత్యధిక పరుగులు చేసిన ఆటగాడిగా రికార్డు సృష్టించాడు.