ప్రభాస్ హీరోగా నటించిన కల్కి 2898ఏడి చిత్రాన్ని చూసేందుకు ఆయన పెద్దమ్మ శ్యామలాదేవి ప్రసాద్ ఐమాక్స్‌కు వెళ్లారు. అక్కడ నిలిపి ఉన్న చిత్రంలోని బుజ్జి వాహనాన్ని చూసి ముచ్చటపడ్డారు. దానిలో ఎక్కి ఫొటోలకు ఫోజులిచ్చారు. ఈ సందర్భంగా థియేటర్‌కు వచ్చిన ప్రభాస్ అభిమానులతో మాట్లాడుతూ అభివాదం చేశారు. తన భర్త కృష్ణంరాజు రెబల్ స్టార్ అనిపించుకున్నారని, తన బిడ్డ ప్రభాస్ వెయ్యిమంది రెబల్ స్టార్లతో సమానం అంటూ ముచ్చటగా మెచ్చుకున్నారు. మూవీని హిట్ చేసినందుకు అభిమానులకు ధన్యవాదాలు తెలిపారు.