న్యూ ఇయర్ సెలబ్రేషన్స్ పై పోలీసుల ఆంక్షలు

మరికొద్ది రోజుల్లో నూతన సంవత్సరం రానుంది. న్యూ ఇయర్ సెలబ్రేషన్స్ కోసం చాలా మంది ఇప్పటికే ప్లాన్ చేసుకుంటున్నారు. అయితే.. ఈ సెలబ్రేషన్స్ సంబంధించి హైదరాబాద్ సిటీ పోలీసులు మార్గదర్శకాలు రిలీజ్ చేశారు. ఆర్గనైజర్లు తప్పనిసరిగా నిబంధనలు పాటించాలి.. లేదంటే తీవ్ర కఠిన చర్యలు ఉంటాయని హెచ్చరించారు. నూతన సంవత్సర వేడుకలు ఆనందంగా జరుపుకోవాలని పోలీసులు కోరారు. న్యూ ఇయర్ సెలబ్రేషన్స్ సంబంధించిన ఆంక్షలు ఇలా ఉన్నాయి. * ఈవెంట్ వేదికల వద్ద సీసీటీవీ కెమెరాలు ఏర్పాటు చేయాలి. * సెలబ్రేషన్స్ సందర్భంగా అసభ్యకర, అశ్లీల డ్యాన్స్ లకు చోటులేదు. * ధ్వని కాలుష్యం నేపథ్యంలో రాత్రి 10 గంటల తర్వాత లౌడ్ స్పీకర్లకు అనుమతి లేదు. * బార్లు, పబ్ లో మైనర్లకు అనుమతి లేదు. * పార్టీల్లో డ్రగ్స్ వినియోగించినా, సరఫరా చేస్తూ దొరికినా కఠిన చర్యలు. *డ్రంకెన్ డ్రైవింగ్ విషయంలో కఠిన చర్యలు ఉంటాయి. దొరికితే రూ. 10 వేల వరకు జరిమానాతోపాటు ఆరు నెలల వరకు జైలు శిక్ష తప్పదు.