అతి ఎత్తైన శ్రీరాముడి విగ్రహం ఆవిష్కరించిన ప్రధాని మోదీ

పనాజీ : గోవా రాజధాని పనాజీలో ప్రధాని నరేంద్ర మోదీ పర్యటించారు. ఇక్కడి దక్షిణ గోవాలోని శ్రీ సంస్థాన్ గోకర్ణ పర్తగాలీ జీవోత్తమ్ మఠంలోని 77 అడుగుల ఎత్తైన శ్రీరాముని కాంస్య విగ్రహాన్ని ఆవిష్కరించారు. ఈ మఠం 550 వ వార్షికోత్సవం సందర్భంగా ప్రపంచంలోనే ఎత్తైన రాముని విగ్రహావిష్కరణ జరగడం విశేషం. ఈ కార్యక్రమంలో గోవా గవర్నర్ అశోక్ గజపతిరాజు, ముఖ్యమంత్రి ప్రమోద్ సావంత్, ఇతర మంత్రులు పాల్గొన్నారు. ఈ మఠం దేశంలోనే అతి పురాతన మత సంస్థ. ఇక్కడి ఆలయాన్ని కూడా ప్రధాని దర్శించారు. ఈ శ్రీరాముని విగ్రహాన్ని గుజరాత్ లోని అతి ఎత్తైన సర్థార్ వల్లభాయ్ పటేల్ ( స్టాట్యూ ఆఫ్ యూనిటీ)ని తీర్చిదిద్దిన శిల్పి రామ్ సుతార్ తయారు చేయడం విశేషం.